បរទេស៖ យោងតាមរបាយការណ៍បានឲ្យដឹងថា Real Madrid មានបំណងចង់លូកថ្លើម Barcelona ដើម្បីឆក់យក Robert Lewandowski មករួមក្រុម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កុងត្រារបស់ Lewandowski ជាមួយ Bayern នឹងត្រូវផុតកំណត់នៅឆ្នាំ២០២៣ ទេ ក៏ប៉ុន្តែមានរបាយការណ៍ជាច្រើនបានបង្ហាញថាគេកំពុងតែចង់ផ្លាស់ចេញពីក្លិបឆាប់ៗនេះ។ លើសពីនេះផងដែរ ក្លិប Bayern កំពុងតែតាមចងជើង Lewandowski ដូចគ្នា ក៏ប៉ុន្តែ ដោយសារការចរចាគ្នាពុំត្រូវ ទើបធ្វើឲ្យខ្សែប្រយុទ្ធឆ្នើមខាងលើ ប្តូរចិត្តចង់រកទ្រនំថ្មី ស្របពេលដែល ក្លិប Barca កំពុងតាមចែចូវគេ យ៉ាងស្អិតរមួតផងដែរ។
បើយោងទៅតាមសារកាសែត Defensa Central បានចុះផ្សាយឲ្យដឹងថា R.Madrid ត្រៀមចាយលុយ ៥០លានអឺរ៉ូ តាមតម្លៃខ្លួន Lewandowski រួចជាស្រេច ដើម្បីយកគេមករួមក្រុម ស្របពេលដែល កីឡាករវ័យ ៣៣ឆ្នាំ ខាងលើ មានបំណងចង់ទៅ Camp Nou វិញឯណោះទេ៕
ប្រភព៖ sportsmole