កម្សាន្ត ÷ ថ្មីៗនេះ មានរូបថតមួយសន្លឹកដែលត្រូវបានគេចោទថាជជា V និង Jennie ដែលកំពុងណាត់ជួបគ្នា ព្រមទាំងបានជិះឡានជាមួយគ្នា នៅកោះ Jeju ហើយដោយសារថាអ្នកទាំងពីរ គឺជាសមាជិកនៃក្រុម K-Pop កំពូលក្នុងពិភពលោក ពាក្យចចាមអារ៉ាមបានរីករាលដាលយ៉ាងលឿន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាមអ្នកបង្ហោះដើម តារាទាំងពីរត្រូវបានគេប្រទះឃើញជិះរថយន្តដែលមានបង្អួចគ្មានពណ៌នៅលើកោះ Jeju ដែលរឿននេះកើតឡើងបន្ទាប់ពីមានព័ត៌មានថា Jennie និង មិត្តប្រុសដែលមានពាក្យចចាមអារ៉ាមថា G-Dragon សមាជិកក្រុម BIGBANG បានបែកបាក់ ទោះជាទំនាក់ទំនងរបស់ពួកគេ មិនដែលត្រូវបានបញ្ជាក់ក៏ដោយ។
មិនយូរប៉ុន្មានបន្ទាប់ពីពាក្យចចាមអារ៉ាម បានរីករាលដាល អ្នកគាំទ្រក៏បានចាប់ផ្តើមជជែកវែកញែក ដោយពួកគេបានប្រកែកថាពាក្យចចាមអារ៉ាមណាត់ជួប កំពុងត្រូវបានប្រើប្រាស់ដើម្បីបំបែរអារម្មណ៍សាធារណជនពី រឿងអាស្រូវ នៃការគំរាមកំហែងថ្មីៗរបស់ Garam ពីក្រុមចម្រៀងស្រីថ្មីរបស់ HYBE និង Source Music គឺ LE SSERAFIM។
ក្នុងរឿងរបស់ Garam ទោះបីជាមានការ បដិសេធយ៉ាងម៉ឺងម៉ាត់ ពីក្រុមហ៊ុនក៏ដោយក៏ជនរងគ្រោះជាច្រើននាក់ដែលត្រូវបានចោទប្រកាន់ បានបោះជំហានទៅមុខ ដើម្បីនិយាយអំពីអំពើហិ.ង្សាដែលពួកគេអះអាងថា នាងបានធ្វើបាបពួកគេ ហើយដោយសារតែភាពធ្ងន់ធ្ងរនៃការចោទប្រកាន់ និង ប្រតិកម្មខ្លាំងដែល HYBE ទទួលបានសម្រាប់សេចក្តីថ្លែងការណ៍របស់ពួកគេ នៅក្នុងការការពាររបស់ Garam អ្នកនិយមលេងអ៊ីនធើណែតមានការសង្ស័យ អំពីពេលវេលានៃរឿងអាស្រូវថ្មីរបស់ Jennie និង V ។
ពួកគេស្មានថារឿងអាស្រូវនេះ កំពុងត្រូវបានប្រើប្រាស់ដើម្បីបិទបាំងការចោទប្រកាន់អំពីអំពើហិ.ង្សាក្នុងសាលារបស់ Garam ទីបំផុត ពួកគេបានចង្អុលបង្ហាញពីករណីមួយទៀតរបស់ Jennie ដែលហាក់ដូចជាត្រូវបានគេប្រើដើម្បីធ្វើឱ្យសាធារណជនភ្លេចអំពីរឿងអាស្រូវដ៏ធំ ដែលនៅដើមឆ្នាំ ២០២១ ពាក្យចចាមអារ៉ាមអំពីការណាត់ជួបរបស់នាងជាមួយ G-Dragon ទោះជាយ៉ាងណា ការរំពឹងទុករបស់អ្នកគាំទ្រមិនទាន់អាចបញ្ជាក់ថាជាការពិត ឬយ៉ាងណានោះទេ៕
ប្រភព: Koreaboo
Bong I.T