ដឹងថ្ងៃប្រកាសបង្ហាញ នៃនាឡិកាឆ្លាត Xiaomi Mi Band 7 ហើយ

ចិន៖ ក្រុមហ៊ុន Xiaomi ទើបតែបញ្ជាក់ថា នាឡិកាឆ្លាត Mi Band 7 របស់ខ្លួននឹងបង្ហាញខ្លូននៅថ្ងៃទី24 ខែឧសភា ជាមួយស៊េរីទូរសព្ទ Redmi Note 11T នៅក្នុងប្រទេសចិន។ ពួកយើងថែមទាំងទទួលបានព័ត៌មានលម្អិតមួយចំនួន អំពីលក្ខណៈពិសេសរបស់វា ក៏ដូចជារូបភាពមួយចំនួននៃការរចនារបស់វា។

Mi Band 7 នឹងទទួលយកការរចនាបែបមុខទ្រវែង ដែលគេធ្លាប់ស្គាល់ពីមុនមក ប៉ុន្តែជាមួយនឹងអេក្រង់ AMOLED ទំហំ1.62អ៊ីញ ឡើងពីទំហំ1.56អ៊ីញនៅលើ Mi Band 6។ បន្ទះអេក្រង់ធំជាងមុននេះនឹងអនុញ្ញាតក្នុងការមើលកាន់តែច្រើន នៅលើអេក្រង់នាឡិកា ដែលងាយស្រួលក្នុងការអានជាងម៉ូឌែលមុនៗ។

Teasers ថ្មីៗក៏បានបង្ហាញលក្ខណៈលម្អិតអំពីវត្តមានរបស់ NFC។ លក្ខណៈពិសេសផ្សេងទៀតរួមមាន អត្រាចង្វាក់បេះដូង, អុកស៊ីសែនក្នុងឈាម, និងការវាស់វែងទិន្នន័យនៃការហាត់ប្រាណ ក៏ដូចជាការរួមបញ្ចូលធម្មតានៃកម្មវិធីដែលភ្ជាប់មកជាមួយសម្រាប់អាកាសធាតុ ការគ្រប់គ្រងតន្ត្រី និងការជូនដំណឹង៕

ប្រភព: GSMArena