ឡុងដ៍៖ អង្គការសុខភាពពិភពលោក (WHO) នៅថ្ងៃសុក្រសប្ដាហ៍នេះ (ម៉ោងនៅទីក្រុងឡុងដ៍) បានបើកកិច្ចប្រជុំបន្ទាន់មួយ ដើម្បីពិភាក្សាអំពីការផ្ទុះឡើងនៃជំងឺអុតស្វា (Monkeypox) ដែលជាទូទៅច្រើនកើតមាន នៅតំបន់អាហ្វ្រិកខាងលិច និងអាហ្រ្វិកកណ្តាល បន្ទាប់ពីករណីឆ្លងកើនដល់ជាង ១០០ករណី ត្រូវបានគេរកឃើញនៅទ្វីបអឺរ៉ុប។ នេះបើតាមប្រភពព័ត៌មាន Reuters ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងអ្វីដែលអាល្លឺម៉ង់បានពិពណ៌នាថា ជាការផ្ទុះឡើងនូវជំងឺអុតស្វាដ៏ធំបំផុត នៅទ្វីបអឺរ៉ុបមិនធ្លាប់មាន ដែលករណីឆ្លងត្រូវបានគេរាយការណ៍ នៅក្នុងប្រទេសអឺរ៉ុបយ៉ាងហោចណាស់ចំនួន៩ ដូចជាបែលហ្ស៊ិក បារាំង អាល្លឺម៉ង់ អ៊ីតាលី ហូឡង់ ព័រទុយហ្កាល់ អេស្ប៉ាញ ស៊ុយអែត និងចក្រភពអង់គ្លេស ព្រមទាំងសហរដ្ឋអាមេរិក កាណាដា និងអូស្ត្រាលី ថែមទៀត។
គួរឱ្យដឹងដែរថា ជំងឺអុតស្វា គឺត្រូវបានគេកំណត់អត្តសញ្ញាណជាលើកដំបូង នៅលើសត្វស្វា។ ជំងឺនេះជាធម្មតាឆ្លងតាមរយៈ ការធ្វើប្រាស្រ័យទាក់ទងជិតស្និទ្ធ ប៉ុន្តែកម្រឆ្លងរីករាលដាលនៅខាងក្រៅទ្វីបអាហ្រ្វិកណាស់ ដូច្នេះករណីឆ្លងថ្មីៗទាំងនេះ បាននិងកំពុងបង្កឱ្យមានការព្រួយបារម្ភ៕