អេស្ប៉ាញ៖ ប្រធានក្លិប Barcelona លោក Joan Laporta បាននិយាយថា កីឡាករ Ousmane Dembele កំពុងត្រូវបានក្លិបផ្សេងៗ "ល្បួង" ដែលអាចធ្វើឲ្យគេចាកចេញនៅរដូវក្ដៅនេះ ប៉ុន្តែក្លិបសង្ឃឹមថានឹងបានចុះហត្ថលេខា កុងត្រាថ្មីជាមួយខ្សែបម្រើស្លាបសញ្ជាតិបារាំងខាងលើ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កិច្ចសន្យារបស់ Dembele នឹងត្រូវផុតកំណត់នៅរដូវក្តៅនេះ ហើយគេបានសុំឱ្យក្លិប ផ្ដល់ពេលវេលាឲ្យគេបន្ថែមទៀត ដើម្បីធ្វើការសម្រេចចិត្តទាក់ទងនឹងសំណើកន្លងមកនេះ។
ទោះជាយ៉ាងណាក៏ដោយលោក Laporta និយាយថា បច្ចុប្បន្នមានសំណើពីខាងក្រៅ ហាក់មានភាពល្អប្រសើរច្រើនចំពោះ Dembele ប៉ុន្តែក្លិបសង្ឃឹមថា ប្រពៃណីរបស់ក្លិប ក៏ដូចជាទំនាក់ទំនង នឹងអាចរក្សា កីឡាករពូកែក្រឡុករូបនេះ ឲ្យស្នាក់នោះទឹកដី Camp Nou បន្ត។
លោក Laporta បានថ្លែងប្រាប់វិទ្យុ Catalunya Radio ថា៖
គាត់ចង់នៅ ប៉ុន្តែគាត់ត្រូវបានល្បួងយ៉ាងខ្លាំងដោយជម្រើសផ្សេងទៀត ដែលផ្តល់នូវលក្ខខណ្ឌល្អជាង។ ការផ្តល់ជូននេះត្រូវបានដាក់សំណើ ជាយូរមកហើយ ហើយពួកគេបានសុំពេលវេលារហូតដល់ចប់រដូវកាលនៅសប្តាហ៍ក្រោយ។ ពួកយើងក៏ធ្លាប់ចង់បានចម្លែយដែរ ប៉ុន្តែយើងមិនអាចបង្ខំវាបានទេព្រោះ Dembele បានផុតកុងត្រារបស់គាត់ហើយ។ គ្រូបង្វឹក និងខ្ញុំចូលចិត្តគាត់។ យើងបានប្រឹងប្រែងយ៉ាងខ្លាំង ដើម្បីរក្សាគាត់៕
Bong I.T