ដល់ថ្នាក់ហ្នឹងផង! Messi ថាបើចង់ឲ្យគេផ្លាស់ទៅលេង ក្លិបមួយនេះត្រូវលក់ភាគហ៊ុន៣៥%មកឲ្យគេជាមុនសិន

បរទេស៖ យោងតាមសេចក្ដីរាយការណ៍ពីគេហទំព័រ Marca គឺ ខ្សែប្រយុទ្ធ Lionel Messi ចង់ទិញភាគហ៊ុន ៣៥ភាគរយ ពីក្លិប Inter Miami បើសិនជាក្លិបនៅអាមេរិកមួយនេះចង់ឲ្យគេផ្លាស់ទៅលេងមែននោះ។​

កំលុងពេលនេះ Messi កំពុងស្នាក់នៅជាមួយក្លិប Paris Saint-Germain ដោយផ្ទេរពី Barcelona មកកាលពីរដូវក្ដៅឆ្នាំមុន ដោយបានចុះកុងត្រា២ឆ្នាំ។

​ កុងត្រារបស់ Messi ជាមួយ PSG នឹងផុតកំណត់នៅឆ្នាំ២០២៣ខាងមុខនេះហើយនិងអាចសាកល្បងផ្លាស់ប្ដូរការប្រកួតប្រជែងទៅលេងនៅ Major League Soccer ឯសហរដ្ឋអាមេរិកវិញ។​

លោក David Beckham ដែលជាម្ចាស់ក្លិបនេះមានទំនាក់ទំនងល្អជាមួយ ម្ចាស់ពាន Ballon d'Or ៧សម័យរូបនេះណាស់ ស្របពេល Messi ក៏ធ្លាប់បង្ហើបបំណងចង់ផ្លាស់ទៅលេងនៅអាមេរិកមុនចូលនិវត្តន៍ផងដែរ៕

ប្រភព៖ marca