ចិត្តឆៅណាស់! Messi ពិចារណាចាកចេញពី PSG ប្រសិនបើ ក្លិបហ៊ានទិញកីឡាកររូបនេះមកចូលរួម

អឺរ៉ុប៖ ខ្សែប្រយុទ្ធ Lionel Messi ត្រូវបានគេរាយការណ៍ថា រូបគេមិនចង់ឲ្យកីឡាករ Cristiano Ronaldo ផ្លាស់មកកាន់ Paris Saint Germain ដើម្បីមកជំនួសតំណែងរបស់ Kylian Mbappe ឡើយ។

ជាការពិតណាស់ មកទល់ពេលនេះ អនាគតរបស់ Mbappe ហាក់នៅស្រពេចស្រពិលនៅឡើយ បន្ទាប់ពីកុងត្រារបស់គេជាមួយក្រុមនឹងអស់សុពលភាពក្រោយបញ្ចប់រដូវកាលនេះ ដូច្នេះប្រសិនបើគេបដិសេធមិនបន្តកិច្ចសន្យាថ្មីទេ មានន័យថា គេអាចចាកចេញបានដោយគ្មានតម្លៃខ្លួនក្រោយបញ្ចប់រដូវកាល។ វាជាការបាត់បង់កម្លាំងដ៏ធំធេងមួយប្រសិនបើកីឡាករសញ្ជាតិបារាំងខាងលើពិតជាចាកចេញមែន ហើយ ក្លិបក៏ត្រូវតែត្រៀមដើម្បីស្វែងរកអ្នកជំនួសតំណែងផងដែរក្នុងករណីដែលគេចាកចេញ។

យ៉ាងណាក៏ដោយ បើយោងទៅតាមការចុះផ្សាយរបស់កាសែតកីឡា El Nacional បានទម្លាយឲ្យដឹងថា Messi មិនចង់ឲ្យ Ronaldo ផ្លាស់មក PSG ដើម្បីជំនួសតំណែងរបស់ Mbappe ទេ ហើយ គេនឹងពិចារណាចាកចេញប្រសិនបើការដោះដូរនេះកើតឡើង៕

ប្រភព៖ sportskeeda