តិចអត់ដឹង! តួ BL រូបសង្ហាទាំងនេះ បច្ចុប្បន្នមានឈ្មោះជាតារាកុងត្រារបស់ Thai TV3

ថៃ ៖ យើងដឹងហើយថាបច្ចុប្បន្ននេះ សន្ទុះរឿងប្រភេទ BL របស់ប្រទេសថៃ កំពុងក្លាយជាវិស័យកម្សាន្តដ៏ពេញនិយម សម្រាប់ហ្វេនៗទូទាំងពិភពលោក ក្នុងនោះមានតារាប្រុសៗជាច្រើនក៏បានសាងភាពជោគជ័យមានមុខមាត់ និងក្លាយជាទីចាប់អារម្មណ៍របស់ក្រុមហ៊ុន ប៉ុស្តិ៍ទួរទស្សន៍នានា ទាក់ទងមកធ្វើជាតារាកុងត្រារបស់ខ្លួនផងដែរ។

ជាមួយគ្នានេះដែរ តារាប្រុសរូបសង្ហាទាំង ៦រូបនេះ សុទ្ធតែបានសាងប្រជាប្រិយភាពមិនធម្មតាបន្ទាប់ពីសម្ដែងរឿង BL ​បច្ចុប្បន្ន​ក្លាយជាសិល្បករពេញសិទ្ធចុះ​កុងត្រា ជាមួយ​ទូរទស្សន៍ប៉ុស្តិ៍លេខ៣ ថៃ Thai TV3 រៀបរយហើយផងដែរ។

ទស្សនារូបភាព និងការបង្ហាញដូចខាងក្រោម ៖

១. Gulf Kanawut

Gulf Kanawut ជាតារា​សម្ដែង​មាន​ភាព​ល្បី​ល្បាញ​ តាម​រយៈ​រឿង "ThanType The Series" ចេញឆ្នាំ ២០១៩ ហើយនៅខែមីនា ឆ្នាំ ២០២១ តារាប្រុសរូបនេះបានប្រកាសជាផ្លូវការថាលោកបានក្លាយជាតារាសម្តែងប្រុសក្រោម កុងត្រារបស់ Thai TV3 មិនតែប៉ុណ្ណោះ លោកនឹងសម្តែងក្នុងរឿង "Bua Pun Fun Yub" ជាមួយ Anne Thongprasom ព្រមទាំងរឿងថ្មី “You Are My Make Up Artist” និងរឿង “Dung Jai Tewaprom” ចេញផ្សាយឆាប់ៗនេះ។

២. Saint Suppapong

បន្ទាប់ពីសាងប្រជាប្រិយភាពសម្ដែងរឿង BL ល្បីៗជាច្រើនរឿងរួមមាន Love by Chance និងរឿង Why R U? ជាដើម ទីបំផុត Saint Suppapong បានចុះកុងត្រាជាផ្លូវការរបស់ជាមួយ Thai TV3 នៅថ្ងៃទី២៤ ខែកុម្ភៈ ឆ្នាំ ២០២២ ហើយយោងតាមបទសម្ភាសន៍ លោកនឹងផ្ដើមសម្តែងរឿងថ្មី ដែលនឹងចាប់ផ្តើមថតនៅដើមខែមីនានេះ។

៣. Mean Phiravich

Mean Phiravich តារា​ BL ក្នុងរឿង Love By Chance 2: A Chance to Love​ សង្ហារូបនេះ​ចាប់​ផ្ដើម​ធ្វើ​ការ​ជាមួយ​ទូរទស្សន៍ Thai TV3 នៅ​ពាក់​កណ្ដាល​ឆ្នាំ ​២០២០ រឿងថ្មីរបស់លោក "My Sweet Assassin" ទើបតែចាក់ផ្សាយលើកលើសពីនេះ លោកកំពុងថតរឿងភាគថ្មី “Sup Tar 2550” ជាមួយ Mint Ranchrawee, Ken Theeradeth និង Anne Thongprasom។

៤. Kao Noppakao

Kao Noppakao ក្លាយ​ជា​តារា​ផ្ទុះប្រជាប្រិយភាព​ឡើងគួរឲ្យកត់សម្គាល់ ​ បន្ទាប់​ពី​សម្ដែង​តួ​ឯក​ក្នុង​រឿង​ភាគ​ BL ដ៏​ពេញ​និយមរឿង “Lovely Writer” ត្រូវ​បានគេ​រាយការណ៍​ថា ​លោក​នឹង​សម្ដែង​ជា​តួ​ឯក​ក្នុង “Duang Jai Tewaprom” ដែលជា​គម្រោង​ធំ​ថ្មីរបស់ Thai TV3។

៥. Tee Thanapon

រឿង BL ថ្មីរបស់ Tee Thanapon ដែលមានចំណងជើងថា "The Miracle of Teddy Bear" បានបញ្ចប់ការថតហើយ នឹងចាក់ផ្សាយក្នុងពេលឆាប់ៗនេះនៅលើប៉ុស្តិ៍ Thai channel 3 លើសពីនេះលោកក៏កំពុងថតរឿងថ្មី "A Cunning Destiny"។

៦. Meen Nichakoon

Meen Nichakoon ជាតារា​សម្ដែង​វ័យ​ក្មេង ​បាន​បង្ហាញ​ខ្លួន​ជា​តួ​សម្ដែង​ក្នុង​រឿង​ BL “Love By Chance 2: A Chance to Love” បន្ទាប់មកលោកបានធ្វើការជាមួយ Thai TV3 ក្នុងរឿង "Praomook" ឆ្នាំចេញឆ្នាំ ២០២១៕

ប្រភព ៖ Thaiupdate