អគ្គនាយកដ្ឋានគយ កែសម្រួលវិធានការទប់ស្កាត់ ការរីករាលដាលនៃកូវីដ-១៩ ទាក់ទិនការនាំចូលសាច់បង្កក និងទំនិញបង្កកផ្សេងទៀត ចូលមកកម្ពុជា

//s9.kh1.co/14/147802823ef245b706e47e9f0773dc8a215f4e4c.jpg
សង្គម

 ២៤-កុម្ភៈ-២០២២ ៤ល្ងាច · ២ ឆ្នាំមុន

អគ្គនាយកដ្ឋានគយ កែសម្រួលវិធានការទប់ស្កាត់ការរីករាលដាលនៃកូវីដ-១៩ ទាក់ទិនការនាំចូលសាច់បង្កក និងទំនិញបង្កកផ្សេងទៀត ចូលមកកម្ពុជា

រាជធានីភ្នំពេញ៖ នៅថ្ងៃទី២៤ ខែកុម្ភៈ ឆ្នាំ២០២២នេះ អគ្គនាយកដ្ឋានគយនិងរដ្ឋាករកម្ពុជា បានចេញសេចក្ដី ស្ដីពីការកែសម្រួលវិធានការក្នុងការទប់ស្កាត់ការរីករាលដាល នៃជំងឺកូវីដ-១៩ ពាក់ព័ន្ធនឹងការនាំចូលសាច់បង្កក និងទំនិញបង្កកផ្សេងទៀតចូលមកព្រះរាជាណាចក្រកម្ពុជា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អគ្គនាយកដ្ឋានគយនិងរដ្ឋាករកម្ពុជា ដោយសង្កេតឃើញស្ថានភាពនៃការឆ្លងរាលដាលជំងឺកូវីដ-១៩ ជាពិសេសវីរុសប្រភេទ Delta នៅតាមបណ្ដាប្រទេសប្រភពនាំចូលសាច់បង្កក និងទំនិញបង្កកផ្សេងទៀតចូលមកកម្ពុជាមានភាពធូរស្រាល ស្របពេលដែលស្ថានភាពការរីករាលដាលនៃវីរុសប្រភេទបំប្លែងថ្មី Omicron ស្ថិតក្នុងស្ថានភាពអាចគ្រប់គ្រងបាន ហើយលទ្ធផលនៃការធ្វើតេស្តលើសាច់បង្កកនាពេលកន្លងមកពុំឃើញមានវត្តមានវីរុសកូវីដ-១៩ ទៀតនោះទេ អគ្គនាយកដ្ឋានគយ និងរដ្ឋាករកម្ពុជា សម្រេចលើកលែង «ការតម្រូវឲ្យមានវិញ្ញាបនបត្រ ឬលិខិតបញ្ជាក់ថា គ្មានវីរុសកូវីដ-១៩ ចេញដោយអាជ្ញាធរមានសមត្ថកិច្ចនាំចេញ» ដូចមានចែងក្នុងចំណុច ២.នៃលិខិតលេខ ២២៩៩/២១ អគរ ដូចយោងខាងលើ។

ដោយឡែក ចំពោះមុខទំនិញត្រជាក់ និងទំនិញបង្កកនាំចូលពីប្រទេសជិតខាង មន្ត្រីគយ និងរដ្ឋាករមានសមត្ថកិច្ចត្រូវបន្តអនុវត្តវិធានការអនាម័យ និងវិធានការសុខាភិបាលឲ្យបានហ្មត់ចត់ ដោយបាញ់ថ្នាំសម្លាប់មេរោគលើសំបកវេចខ្ចប់ និងមធ្យោបាយដឹកជញ្ជូនទំនិញ៕

អគ្គនាយកដ្ឋានគយ និងរដ្ឋាករកម្ពុជា
អគ្គនាយកដ្ឋានគយ និងរដ្ឋាករកម្ពុជា
សេចក្តីជូនដំណឹង
សេចក្តីជូនដំណឹង
Keo Sieklin
S.L

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T