កូរ៉េខាងត្បូង ៖ កាលពីនៅថ្ងៃទី១៤ ខែកុម្ភៈ ម្សិលមិញនេះ Taeyeon សមាជិកក្រុម Girls' Generation បានធ្វើសន្និសីទសារព័ត៌មាន សម្រាប់ការចេញអាល់ប៊ុមស្ទូឌីយោទី៣ ដែលមានចំណងជើងថា "INVU" ដោយបានចែករំលែកប្រធានបទនានា ទាក់ទងនឹងការរៀបចំអាល់ប៊ុមរបស់នាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខណៈពេលរៀបចំអាល់ប៊ុម ក្នុងពេលជាមួយនឹងការធ្វើជា សមាជិកក្នុងកម្មវិធី “Amazing Saturday” និងការផ្សព្វផ្សាយជាមួយនឹងក្រុមចម្រៀងនារី GOT the beat របស់ SM Entertainment តារាស្រីរូបនេះ ក៏បានចែករំលែកអារម្មណ៍ផ្ទាល់ខ្លួន ពេលលឺគេហៅ និងចាត់ទុកជា Role Model តំណាងឲ្យតារាៗជំនាន់ក្រោយ។
ទាក់ទងនឹងពាក្យជា Role Model តំណាងតារាៗជំនាន់ក្រោយនេះ Taeyeon បានបង្ហាញការយល់ឃើញថា ៖
ពេលខ្ញុំលឺគេហៅខ្លួនឯងថាជា “Role Model” និយាយត្រង់ខ្ញុំសប្បាយចិត្ត។ ប៉ុន្តែវាក៏មានសម្ពាធច្រើនដែរ។ ខ្ញុំចង់បានវា ប្រសិនបើតារាជំនាន់ក្រោយទាំងនេះ អាចបង្ហាញពីអនាគតដែលពួកគេបានរៀបចំនៅក្នុងចិត្តរបស់ពួកគេបានយ៉ាងល្អ។ ខ្ញុំគិតថា វាពិតជាសំខាន់ណាស់ ក្នុងថ្ងៃនេះ ក្នុងការបង្ហាញពីអ្វីដែលអ្នកគិត និងបន្តធ្វើវាឲ្យបានល្អ។ ដោយសារវាមានការប្រកួតប្រជែងខ្លាំង ខ្ញុំសង្ឃឹមថាពួកគេនឹងមិនហត់ខ្លាំងពេកទេ។ កម្លាំងជំរុញរបស់ខ្ញុំគឺខ្លួនខ្ញុំ និងអ្នកគាំទ្ររបស់ខ្ញុំ។ ខ្ញុំតែងតែលើកទឹកចិត្តខ្លួនឯង ហើយដោយសារតែមានឈ្មោះជាអ្នកតំណាងគេបែបនេះ ខ្ញុំបន្តព្យាយាមឲ្យអស់ពីសមត្ថភាពដើម្បីលទ្ធផលកាន់តែល្អ។
ជាការពិតណាស់ Taeyeon ត្រូវបានគេចាត់ទុកថាជាសមាជិកក្រុម និងតារាចម្រៀងទោលស្រីកំពូលមួយរូបក្នុងប្រទេស និងក្រៅប្រទេសទូទាំងពិភពលោក ហើយជាញឹកញាប់នាងត្រូវបានតារាៗជំនាន់ក្រោយ តែងជ្រើសរើស និងចាត់ទុកជា Role Model តំណាងរបស់ពួកគេ៕
ប្រភព ៖ Soompi
Bong I.T