បរទេស៖ វីរបុរសជម្រើសជាតិប្រេសុីល លោក Ronaldinho បានសរសើរ កីឡាករ Virgil Van Dijk របស់ Liverpool ថា លេចធ្លោជាងគេ កាលប្រកួតប៉ះ Crystal Palace។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Liverpool បានប្រកួតទល់ក្រុម Crystal Palace កាលពីថ្ងៃអាទិត្យ សបា្តហ៍មុននេះ ដោយ Liverpool ជាក្រុមភ្ញៀវបានយកឈ្នះ ម្ចាស់ផ្ទះ ក្នុងលទ្ធផល ៣-១ ហើយអ្នករកគ្រាប់បាល់នាំមុខឲ្យ Liverpool នោះ គឺ Van Dijk នេះឯង នៅនាទី ទី៨ ហើយអ្នករកបានពីរគ្រាប់ទៀតនោះគឺ កីឡាករ Alex Oxlade-Chamberlain និង កីឡាករ Fabinho។ ជាក់ស្តែង យើងឃើញថា Van Dijk ជួយជ្រោមជ្រែងបានច្រើនក្នុងការប្រកួតនេះ ទាំងតំបន់ប្រយុទ្ធ និង ការពារ ហើយអត្រាប៉ះបាល់ជោគជ័យរបស់គេ ក្នុងការប្រកួតនេះគឺច្បាស់បានរហូតដល់ ៩៣% ឯណោះ។
លោក Ronaldinho បាននិយាយថា៖
Van Dijk អ្នកពិតជាអស្ចារ្យមែន។ ខ្ញុំឃើញថា ក្នុងការប្រកួតនេះ គឺអ្នកពិតជាលេងដោយទំនុកចិត្តខ្ពស់ ហើយថែមទាំងមានគុណភាពក្នុងការ ការពារបាល់បានល្អទៀត។ ខ្ញុំពិតជាសរសើរមែន ហើយសូមអបអរសាទរ សម្រាប់ជ័យជម្នះ ក្នុងការប្រកួតនេះ៕
ប្រភព៖ sportskeeda
Bong I.T