សេអ៊ូល៖ កូរ៉េខាងត្បូង ប្រកាសរកឃើញអ្នកឆ្លងជំងឺកូវីដ១៩ថ្មីប្រចាំថ្ងៃ ច្រើនបំផុតលើស ១៣,០០០នាក់ ជាលើកដំបូងនៅថ្ងៃពុធនេះ ខណៈពេលដែលរដ្ឋាភិបាលកំពុងពិនិត្យឡើងវិញ ក្នុងការអនុវត្តវិធានការការពារផ្សេងៗ ដើម្បីឆ្លើយតបទៅនឹងការឆ្លងរាលដាលកូវីដ១៩។ នេះបើតាមប្រភពព័ត៌មាន CNA។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកំណត់ត្រាឆ្លងថ្មីដ៏ច្រើននេះ គឺធៀបជាមួយនឹងរបាយការណ៍ឆ្លងប្រចាំថ្ងៃកាលពីម្សិលមិញ ដោយកាលពីថ្ងៃទី ២៥ ខែមករា ករណីឆ្លងច្រើនបំផុតគឺមានតែជាង ៨,០០០នាក់ប៉ុណ្ណោះ។ ជាមួយគ្នា មន្ត្រីសុខាភិបាលបាននិយាយថា វីរុសបំប្លែងខ្លួនអូមីក្រុង ទំនងជាមានចំនួនច្រើនជាង ៩០ភាគរយនៃការឆ្លងថ្មី ហើយអ្នកឆ្លងប្រចាំថ្ងៃអាចកើនឡើងដល់ ២០,០០០នាក់ ទៅ ៣០,០០០នាក់ ឬច្រើនជាងនេះ ក្នុងរយៈពេលប៉ុន្មានសប្តាហ៍ខាងមុខ។
គួរបញ្ជាក់ដែរថា កូរ៉េខាងត្បូង ដែលជាប្រទេសមានប្រជាជនចំនួន ៥២លាននាក់ មកដល់ពេលនេះ បានរកឃើញអ្នកឆ្លងចំនួន ៧៦២,៩៨៣នាក់ និងស្លា.ប់ចំនួន ៦,៦២០ នាក់ហើយ៕