ពិភពលោក៖ បើទោះបីជាមេរោគបម្លែងខ្លួនថ្មី អូមីក្រុង បន្តរាលដាលពេញពិភពលោកក៏ដោយ ក៏ឥឡូវនេះអ្នកវិទ្យាសាស្ត្រកំពុងតាមដានមេរោគបម្លែងខ្លួនថ្មីអូមីក្រុងរងដែលត្រូវបានគេហៅថា BA.2 ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអង្គការសុខភាពពិភពលោកអះអាងថា BA.2 មិនមែនជា "មេរោគនៃក្តីបារម្ភ" មានន័យថាមិនមានភស្តុតាងបច្ចុប្បន្នណាមួយ បង្ហាញថា ប្រភេទមេរោគរងថ្មីនេះនឹងធ្វើឱ្យការចម្លង កាន់តែអាក្រក់ទៅៗ ភាពធ្ងន់ធ្ងរនៃជំងឺ ឬប្រសិទ្ធភាពនៃវ៉ាក់សាំង និងការខិតខំប្រឹងប្រែងផ្នែកសុខភាពសាធារណៈ ដូចជាការពាក់ម៉ាស់ និង ការរក្សាគម្លាតសង្គម។
មេរោគបម្លែងថ្មីអូមីក្រុង ប្រភេទ BA.2 កំពុងកើនឡើង នៅជុំវិញពិភពលោក ដោយមានប្រទេសយ៉ាងតិច ៤០ក្នុងនោះ មេរោគរងប្រភេទថ្មីនេះ បាននឹងកំពុងរីករាលដាលយ៉ាងឆាប់រហ័ស នៅក្នុងប្រទេសដាណឺម៉ាក និងចក្រភពអង់គ្លេស ដោយស្ទើរតែពាក់កណ្តាលនៃករណីថ្មីៗនៅក្នុងប្រទេសដាណឺម៉ាកត្រូវបានសន្មត់ថាជា អូមីក្រុង ប្រភេទBA.2 ។
មេរោគអូមីក្រុងរង ប្រភេទ BA.2 ត្រូវបានរកឃើញរួចហើយនៅក្នុងរដ្ឋមួយចំនួនរបស់សហរដ្ឋអាមេរិក ដោយរដ្ឋវ៉ាស៊ីនតោនបានបញ្ជាក់ពីករណីចំនួនពីរកាលពីថ្ងៃចន្ទ។ដោយសារចំនួនករណីឆ្លងកើនឡើង អង្គការសុខភាពពិភពលោក WHO កំពុងស្នើសុំឱ្យអ្នកវិទ្យាសាស្ត្រមើល និងសិក្សាមេរោគអូមីក្រុងរង ប្រភេទថ្មីដាច់ដោយឡែកពីអូមីក្រុងដើម ដើម្បីមើលថាតើមេរោគរងថ្មីនេះ មានលក្ខណៈខុសគ្នាយ៉ាងដូចម្តេច៕
ប្រភព៖ abc