កូរ៉េខាងត្បូង ៖ នៅភាគថ្មីក្នុងកម្មវិធី 'My Ugly Duckling' របស់ស្ថានីយ៍ទូរទស្សន៍ SBS តារាប្រុស Kim Heechul សមាជិកក្រុម Super Junior បានធ្វើឲ្យគ្រប់គ្នាភ្ញាក់ផ្អើលមិនតិចទេ បន្ទាប់ពីលោកបង្ហើបរឿងគម្រោងរៀបការ នាពេលអនាគតរបស់លោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ស្របនឹងនេះដែរ នៅក្នុងអំឡុងពេលនៃវគ្គនេះ អ្នកចូលរួមទាំងអស់បានជជែកគ្នាអំពីប្រធានបទនានា ដល់វេនតារាកំប្លែង Kim Joonho ក៏បាននិយាយថា ៖
ខ្ញុំទទួលបានការអនុញ្ញាត ពួកយើងអាចបន្តបង្ហាញនៅក្នុង 'My Ugly Duckling' ទោះបីជាយើងមានមិត្តស្រី ឬសូម្បីតែពួកយើងរៀបការក៏ដោយ។
ចំពោះរឿងនេះ Heechul បាននិយាយបែបលេងសើចថា ៖
បន្ទាប់មក យើងទាំងអស់គ្នាគួរតែនាំពួកគេមកទីនេះ នៅសប្តាហ៍ក្រោយ។ ពួកយើងនឹងមានកម្មវិធីជួបជុំ ជាមួយមិត្តរួមការងាររបស់យើងទាំងអស់គ្នា។
លើសពីនេះ ខណៈពេលនោះតារារូបនេះ បានធ្វើឲ្យគ្រប់គ្នាភ្ញាក់ផ្អើល ជាមួយនឹងសម្ដីដែលមិននឹកស្មានដល់ ៖
បន្ទាប់ពីកូវីដ១៩ បញ្ចប់ឆ្នាំនេះ ខ្ញុំនឹងអញ្ជើញអ្នកទាំងអស់គ្នាមកពិធីមង្គលការរបស់ខ្ញុំនៅដើមឆ្នាំក្រោយ។ នោះជាផែនការរបស់ខ្ញុំ។
មិនខុសពីក្រុមការងារក្នុងកម្មវិធីនោះទេ អ្នកទស្សនាតាមកញ្ចក់ទូរទស្សន៍ក៏មានការភ្ញាក់ផ្អើលចំពោះការអធិប្បាយរបស់ Heechul អំពីគម្រោងរៀបអាពាហ៍ពិពាហ៍របស់លោក រង់ចាំដំណឹងល្អឆ្នាំក្រោយទាំងអស់គ្នា៕
ជ្រាបច្បាស់ សូមទស្សនាវីដេអូខាងក្រោម ៖
ប្រភព ៖ Gstarlive
Bong I.T