អឺរ៉ុប៖ យោងតាមប្រភពព័ត៌មានពីប្រទេសអេស្ប៉ាញបានឲ្យដឹងថា ខ្សែការពារស្លាបឆ្វេងរបស់ក្រុមបិសាចក្រហម Manchester United កីឡាករ Alex Telles បានស្ថិតក្នុងបញ្ជីគោលដៅ ដែលក្លិបអ្នកមានបុណ្យ Barcelona ចង់បាន ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែការពារវ័យ២៩ឆ្នាំខាងលើ បានផ្ទេរមកទឹកដី Old Trafford ពីក្លិប Porto កាលពីឆ្នាំ២០២០ ក្នុងតម្លៃ១៥,៤លានផោន អមជាមួយកុងត្រារយៈពេល៤ឆ្នាំ។ យ៉ាងណាមិញ Telles ពុំសូវមានឱកាសបានលេងច្រើននោះទេ កំឡុងពេលដែលអតីតគ្រូ Man UTD ចាស់ លោក Ole Gunnar Solskjaer ដឹកនាំ ដោយតំណែងដែលរូបគេលេង ត្រូវបានលោក OIe ប្រគល់ឲ្យកីឡាករ Luke Shaw រ៉ាប់រង។
លុះមកដល់រជ្ជកាលលោក Ralf Rangnick ដឹកនាំ ទើប Telles មានឱកាសបានលេងច្រើនជាងមុនបន្តិច ពោលតែឆ្លាស់ប្រកួតគ្នា ជាមួយ Luke Shaw។
ជាមួយគ្នានេះ បើយោងតាមការចុះផ្សាយរបស់កាសែតអេស្ប៉ាញ Mundo Deportivo ក្លិប Barcelona មានគម្រោងចង់ផ្លាស់យក Telles ចេញពីទឹកដី Old Trafford ។
ប្រភពដដែលបានបន្ថែមទៀតថា ក្លិបយក្សអេស្ប៉ាញ ចង់បាន Telles ដើម្បីជាជម្រើសដំបូង ទុកជំនួសកីឡាករ Jordi Alba ដែលមានវ័យ៣៣ឆ្នាំ នៅតំបន់ខ្សែការពារស្លាបឆ្វេង។
គួររម្លឹកដែរថា Telles ជាគោលដៅមួយ ក្នុងចំណោម៥នាក់ផ្សេងទៀតដែល Barca ចង់បាន ពោលក្លិបយក្សអេស្ប៉ាញមួយនេះ ក៏បានសម្លឹងឃើញ កីឡាករ Alex Sandro របស់ Juventus, Nicolas Tagiafico របស់ Ajax , Alfonso Pedraza របស់ Villareal និង Raphael Guerreiro របស់ Borussia Dortmund ផងដែរ៕
ប្រភព៖ sportbible