អស់និស្ស័យហើយ! កីឡាករ Spurs រូបនេះបានទាមទារចាកចេញពីក្លិបនៅខែមករានេះ

អង់គ្លេស៖ អ្នកចាំទី Pierluigi Gollini របស់ក្រុមមាន់ខ្នាយមាស Tottenham Hotspur ត្រូវបានគេរាយការណ៍ថាចង់ចាកចេញពីក្លិបនៅក្នុងខែមករានេះ បន្ទាប់ពីចំណាយពេលខ្ចីជើងនៅទីនេះបាន៦ខែមក។

Gollini បានផ្ទេរពី Atalanta មក Spurs ក្នុងលក្ខខណ្ឌ​​​​ខ្ចីជើងកាលពីរដូវក្ដៅកន្លងទៅដោយសង្ឃឹមថានឹងមានឱកាសបានជំនួសអ្នកចាំទីដៃទី១ Hugo Lloris ប៉ុន្តែជាក់ស្ដែងលោក Antonio Conte ចូលចិត្តដាក់ Lloris ជាងទើប Gollini បានចូលលេងតែ១០ប្រកួតប៉ុណ្ណោះតាំងពីផ្ទេរមក។

ដូច្នេះហើយទើប អ្នកចាំទីវ័យ២៦ឆ្នាំរូបនេះចង់វិលត្រឡប់ទៅក្លិបចាស់ Atalanta វិញដោយក្លិប Lazio ទំនងជាទាក់ទងចង់ទិញយកគេ៕

ប្រភព៖ sportbible