ស្មោះស្ម័គ្រណាស់! កីឡាកររូបនេះចង់ចូលនិវត្តន៍នៅក្លិប Chelsea តែម្ដង

អង់គ្លេស៖ ប្រធានក្រុម Chelsea គឺ Cesar Azpilicueta ត្រូវបានគរាយការណ៍ថាចង់បញ្ចប់អាជីពជាកីឡាករបាល់ទាត់នៅទឹកដី Stamford Bridge តែម្ដងបើទោះបីជាមានក្លិបមួយចំនួនដូចជា Barcelona ចាប់អារម្មណ៍ចង់បានគេក៏ដោយ។

Cesar ជាកីឡាករចាស់វស្សាម្នាក់នៅក្លិបដែលបានចូលលេង៤៥០ប្រកួតមកហើយ។ដោយឡែក ថ្មីៗនេះ មានព័ត៌មានចចាមអារ៉ាមលេចឮថាកីឡាករសញ្ជាតិអេស្ប៉ាញរូបនេះនឹងចែកផ្លូវជាមួយ Chelsea ពេលចប់កុងត្រានៅខែមិថុនាខាងមុខនេះ។

ប៉ុន្តែសារព៍ត៌មាន The Athletic បានចុះផ្សាយថា ខ្សែការពារវ័យ៣២ឆ្នាំរូបនេះចង់ព្យួរស្បែកជើងនៅ Chelsea ប៉ុន្តែលោកស្រី Marina Grasnovskaia ដែលជាថ្នាក់ដឹកនាំផ្នែកកីឡាកររបស់ក្លិបមិនទាន់ចង់ផ្ដល់កុងត្រាថ្មីដល់គេនោះឡើយដោយចង់រង់ចាំ​​មើលស្ថានការណ៍​​​របស់​​គេសិន។

គួរបញ្ជាក់ផងដែរថា Cesar Azpilicueta ធ្លាប់ឈ្នះពាន Premier League ពីរដង, FA Cup ម្ដង និង Champions League ម្ដង៕

ប្រភព៖ thesun