អីយ៉ាស! PSG មានទំនុកចិត្តខ្ពស់ក្នុងការយក អ្នកចាត់ការរូបនេះ មកដឹកនាំក្រុម

បរទេស៖ ក្លិបអ្នកមាន Paris Saint Germain ត្រូវបានរាយការណ៍ថា ពួកគេមានទំនុកចិត្តខ្ពស់ ក្នុងការយកលោក​ Zinedine Zidane មកដឹកនាំក្រុម។

ជាការពិតណាស់ លោក Zidane បច្ចុប្បន្ននេះ គឺលោកកំពុងតែនៅទំនេរ មិនទាន់មានក្លិបណាដែលលោកត្រូវដឹកនាំទេ បន្ទាប់ពីលោកដើរចេញក្លិប Real Madrid ជាលើកទីពីរ កាលពីខែមេសា ឆ្នាំ២០២១ កន្លងទៅនេះ។ ទន្ទឹមនឹងនេះផងដែរ លោក Mauricio Pochettino ត្រូវបានគេរាយការណ៍ថា កំពុងត្រៀមខ្លួនទៅដឹកនាំនៅ Manchester United វិញ ទើបជាហេតុនាំឲ្យ ក្លិប PSG សម្លឹងឃើញលោក Zidane មកជំនួស។

បើយោងទៅតាមសារកាសែត​ Marca បានចុះផ្សាយថា PSG ទំនងជាទុកឲ្យលោក Pochettino នៅជួយក្រុមរហូតដល់ចប់រដូវកាលនេះសិន ទើបគិតគូររៀបចំ បើកដៃទទួលស្វាគមន៍​ លោក Zidane មកដឹកនាំក្រុមតែម្តង៕

ប្រភព៖ sportskeeda