ដូចអប្សរាដើរដី ឌុច លីដា និង សារ៉ាយ សក្ខណា គ្រងឈុតបុរាណស្អាតឡើងដូចគំនូរ

ភ្នំពេញ៖ ​ពិតណាស់ ក្រៅពីមានសមត្ថភាពសម្ដែងដ៏គួឲ្យសរសើរហើយ តារាស្រី ឌុច លីដា នៅទទួលបានចំណាប់អារម្មណ៍យ៉ាងខ្លាំង ទៅលើរូបសម្រស់ ជាមួយនឹងស្ទាយ៍តែងខ្លួនដ៏ទាន់សម័យ ដែលជាទីពេញចិត្តពីទស្សនិកជនជាច្រើន ទៀតផង។

ដោយឡែក ថ្មីៗនេះបានផ្ទុះការភ្ញាក់ផ្អើល និងចាប់អារម្មណ៍ជាខ្លាំង ក្រោយបានឃើញ អ្នកនាង បានរួមគ្នានិង អ្នកនាង សារ៉ាយ សក្ខណាគ្រងឈុតអប្សរា ដោយទិដ្ឋភាពច្នៃប្រឌិតមួយនាសម័យមហានគរ បានយ៉ាងស្រស់ស្អាត គ្មានទាស់ រហូតទទួលបានការកោតសរសើរពេញបណ្តាញសង្គម។

គួរបញ្ជាក់ផងដែរថា នេះមិនមែនជាលើកដំបូងទេដែល តារាស្រីទាំងពីរនេះ គ្រងឈុតបុរាណខ្មែរ ប៉ុន្តែជារឿយៗ ពួកគេតែងតែបង្ហាញឈុតបុរាណខ្មែរ នៅក្នុងបណ្តាញសង្គមហ្វេសប៊ុក រហូតទទួលបានការគាំទ្រយ៉ាងខ្លាំងក្លាពីសំណាក់មហាជន និងហ្វេនៗដែលជាអ្នកនិយមគាំទ្រតែម្តង៕

សូមទស្សនារូបភាពខាងក្រោម៖