បរទេស៖ ខ្សែប្រយុទ្ធឆ្នើមរបស់ក្លិប Manchester United កីឡាករ Cristiano Ronaldo ត្រូវបានគេរាយការណ៍ថា អាចនឹងចាកចេញពីក្រុម ប្រសិនបើក្រុមគ្មានកៅអីប្រកួត Champion League នៅរដូវកាលក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ក្រុម Man Utd បច្ចុប្បន្ននេះកំពុងឈរនៅលេខរៀងទី៧ ចាញ់ក្រុម West Ham ដែលកំពុងឈរនៅលេខ៤ ចំនួនពីរពិន្ទុ។ យ៉ាងណាមិញ យើងឃើញថា ក្រុម Arsenal និង Tottenham Spurs កំពុងជែងគ្នាខ្លាំង ក្នុងការដណ្តើមយកតំណែង Top ៤ នេះ ហើយលើសពីនេះ Spurs នៅសល់ការប្រកួតច្រើនជាង Man Utd ចំនួនពីរប្រកួតទៀតឯណោះ។
បើយោងតាមសារកាសែត The Sun បានចុះផ្សាយថា អ្នកតំណាងរបស់ Ronaldo បានបញ្ជាក់យ៉ាងច្បាស់ទៅកាន់ថ្នាក់ដឹកនាំ នៅ Old Trafford ថា កីឡាករសញ្ជាតិព័រទុយកាល់ខាងលើ អាចនឹងចាកចេញពី Man Utd នៅក្នុងរដូវក្តៅខាងមុខនេះ ប្រសិនជាក្រុមគ្មានកៅអីលេង UCL នៅរដូវកាលក្រោយ។ លើសពីនេះផងដែរ របាយការណ៍ក៏បានចុះផ្សាយថា Ronaldo ចង់បញ្ចប់អាជីពរបស់ខ្លួនជាមួយពានរង្វាន់ដែលធ្លាប់ឈ្នះកន្លងមក ច្រើនជាងបន្តអាជីពជាមួយ Man Utd ដែលមានសភាពដូចបច្ចុប្បន្ននេះ៕
ប្រភព៖ sportsmole