អេស្ប៉ាញ៖ ក្លិប Barcelona កំពុងក្លាយជាក្រុមដែលមានឱកាសក្នុងការចុះកុងត្រាយកខ្សែការពារ Andreas Christensen ពីក្លិប Chelsea បន្ទាប់ពីកីឡាកររូបនេះបានសម្រេចចិត្តមិនផ្ទេរទៅក្លិបនៅ Premier League ផ្សេងទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សChristensen ត្រូវបានគេរាយការណ៍ថាបានចរចាកុងត្រាជាមួយភាគីលោក Thomas Tuchel ប៉ុន្តែការចរចាហាក់ពុំមានផ្លែផ្កា ខណៈដែលអ្នកសារព័ត៌មាន Fabrizio Romano ដែលជាប្រភពគួរឲ្យទុកចិត្តបាន បានរាយការណ៍ថា ក្លិប Barcelona និង Bayern Munich ជាក្លិបដែលខ្សែការពាររូបនេះកំពុងពិចារណាផ្លាស់ទៅ។
លោក Xavi Hernandez កំពុងត្រូវការខ្សែការពារជាចាំបាច់ព្រោះ Samuel Umtiti, Clement Lenglet និង Gerard Pique មិនអាចក្លាយជារនាំងការពារដ៏រឹងមាំក្នុងក្រុមបានឡើយ។
បើសិន Andreas Christensen ជ្រើសរើសផ្ទេរមក Barcelona មែននោះក្លិបនឹងមិនចាំបាច់ចេញថ្លៃផ្ទេរនោះឡើយគឺអាចយកគេបានដោយគ្មានតម្លៃខ្លួនស្របពេលក្លិបកំពុងជួបនឹងវិបត្តិហិរញ្ញវត្ថុធ្ងន់ធ្ងរ៕
ប្រភព៖ football-espana