រូបគំនូរលើជញ្ជាំងគូរលេងៗសោះ ម្ចាស់ផ្ទះមហាសំណាងគាស់យកទៅលក់ អាចបានតម្លៃជិត៣លានដុល្លារ

អង់គ្លេស៖ ប្ដីប្រពន្ធមួយគូជាម្ចាស់នៃអចលនទ្រព្យមួយកន្លែង នៅទីប្រជុំជន Lowstoft ប្រទេសអង់គ្លេស ដែលមានគំនូររបស់វិចិត្រករដៃឯក Banksy លើជញ្ជាំង បានគាស់ជញ្ជាំងមួយផ្ទាំងចោល ដើម្បីយករូបគំនូរទៅលក់ ដែលអាចបានតម្លៃដល់ទៅ២លានផោនក្នុងការដេញថ្លៃ (ប្រមាណ២,៧៣០,០០០ដុល្លារអាមេរិក)។

ជាក់ស្ដែងរូបគំនូរ បានបង្ហាញឲ្យឃើញពីក្មេងប្រុសម្នាក់កំពុងអង្គុយលុតជង្គង់ នៅជាប់ប្រសាទដីខ្សាច់របស់គេ ដោយមានកាន់ប្រដាប់គាស់ដែកគោល និងមានអក្សរក្រវេមក្រវាមពីក្រោយ ហើយវាត្រូវបានបញ្ជាក់ថា ជាស្នាដៃដើមរបស់វិចិត្រករតាមផ្លូវពិតប្រាកដមែន។

យ៉ាងណាមិញ លោក Nasima Begum ជាអភិបាលរងក្រុង បានបង្ហាញការស្រងាកចិត្តជាខ្លាំងនៅពេលឃើញអ្វីមួយ ដែលអាចជាកន្លែងទាក់ទាញផ្នែកទេសចរណ៍សម្រាប់ជាប្រយោជន៍ដល់ទីក្រុង តែត្រូវបានដកចេញ និងលក់ដើម្បីរកប្រាក់ចំណេញផ្ទាល់ខ្លួនផងដែរ៕

ប្រភព: Ladbible

សូមទស្សនារូបភាពខាងក្រោម៖