ឥណ្ឌា៖ បុរសជនជាតិឥណ្ឌាម្នាក់បានធ្លាក់ខ្លួនពិការ ដើរមិនរួច និងបាត់បង់សមត្ថភាពនិយាយ ក្រោយពីបានជួបឧបទ្ទវហេតុគ្រោះថ្នាក់ចរាចរណ៍ដ៏ធ្ងន់ធ្ងរក្នុងឆ្នាំ២០១៧ តែឡូវនេះ គាត់ត្រូវបានរាយការណ៍ថា បានចាប់ផ្ដើមដើរ និងនិយាយម្ដងទៀត បន្ទាប់ពីទទួលបានការចាក់វ៉ាក់សាំងការពារពីជំងឺកូវីដ-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង លោក Dularchand Munda មានអាយុ៥៥ឆ្នាំ និងមកពីរដ្ឋ Jharkhand នៃប្រទេសឥណ្ឌា បានប្រាប់ថា អំឡុងពេលធ្លាក់ខ្លួនពិការ គាត់ទទួលបានការព្យាបាលយ៉ាងច្រើន តែមិនមានលទ្ធផលអ្វីឡើយ ខណៈរូបគាត់ផ្ទាល់បានបាត់បង់អារម្មណ៍ចំពោះផ្នែកខាងក្រោមនៃរាងកាយរបស់គាត់តែម្ដង។ ហើយការចាក់វ៉ាក់សាំងកូវីដ-១៩ គឺជារឿងដ៏ល្អបំផុតមិនធ្លាប់មានសម្រាប់គាត់ ដែលគាត់បានចាក់កាលពីថ្ងៃទី០៤ ខែមករា ដើមឆ្នាំ២០២២ និងក្នុងរយៈពេលពីរទៅបីម៉ោងប៉ុណ្ណោះ ជើងរបស់គាត់ក៏អាចកម្រើកបានបន្ដិចម្ដងៗ។ មិនយូរប៉ុន្មាន គាត់អាចក្រោកឈរបាន និងបោះជំហានយឺតៗទៅមុខ ដោយកាន់ឈើច្រត់ជំនួយ និងសំឡេងបានវិលមកវិញផងដែរ។
យ៉ាងណាមិញ អ្នកជំនាញខាងផ្នែកវេជ្ជសាស្ត្រ មានការភ្ញាក់ផ្អើលជាខ្លាំង និងមានការសង្ស័យអំពីការជាសះស្បើយអាចជារឿងអព្ភូតហេតុ តែទោះជាយ៉ាងណា ការវិភាគពីប្រវត្តិព្យាបាលរបស់បុរសខាងលើកំពុងបើកដំណើរការផងដែរ៕
ប្រភព: Odditycentral / zeenews.india
សូមទស្សនារូបភាពខាងក្រោម៖