អបអរ! ក្នុងចំណោមសិស្សនិទ្ទេស A ទូទាំងប្រទេស ក៏មានកូនប្រុស ប្រធានមន្ទីរសាធារណការនិងដឹកជញ្ជូនម្នាក់ដែរ

រាជធានីភ្នំពេញ៖ ក្នុងចំណោមសិស្សដែលទទួលបានលទ្ធផលនិទ្ទេស A នៅទូទាំងប្រទេស ក្នុងនោះ ក៏មានកូនប្រុសរបស់ លោក សាំ ពិសិដ្ឋ ដែលជាប្រធានមន្ទីរសាធារណការ និងដឹកជញ្ជូនរាជធានី បានទទួលលទ្ធផលនិទ្ទេស A។

ជាមួយគ្នានោះ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានមានប្រសាសន៍អបអរសាទរចំពោះលទ្ធផលរបស់កូនប្រុស សាំ សេដ្ឋា ដែលបានប្រឡងជាប់សញ្ញាប័ត្រមធ្យមសិក្សាទុតិយភូមិ ដោយជាប់និទ្ទេស A។

សូមរំលឹកផងដែរថា បើតាមក្រសួងអប់រំ យុវជន និងកីឡា បានឱ្យដឹងថា ឆ្នាំនេះ មានបេក្ខជនគ្រប់រាជធានី ខេត្ត ទទួលបាននិទ្ទេស A ចំនួន ១ ៧៥៣ នាក់ ក្នុងនោះ បេក្ខជនមកពីរាជធានីភ្នំពេញ ៥៦៥ នាក់, ខេត្តសៀមរាប ១៥៣ នាក់, កណ្តាល ១២៧ នាក់, បាត់ដំបង ១២៣ នាក់, កំពង់ចាម ១១៨នាក់, បន្ទាយមានជ័យ ៩៩ នាក់, តាកែវ ៩៩ នាក់, ព្រៃវែង ៨៧ នាក់, កំពត ៧៥ នាក់, ត្បូងឃ្មុំ ៥៤ នាក់, ក្រចេះ ៤៥ នាក់, កំពង់ធំ ៤១ នាក់, កំពង់ស្ពឺ ៣៣ នាក់, ពោធិ៍សាត់ ២៨ នាក់, ស្វាយរៀង ២៦ នាក់, កំពង់ឆ្នាំង ២២ នាក់,ព្រះសីហនុ ២០ នាក់, រតនគិរី ០៩ នាក់, ស្ទឹងត្រែង ០៦ នាក់, ប៉ៃលិន ០៦ នាក់, ឧត្តរមានជ័យ ០៥ នាក់, កោះកុង០៤ នាក់, ព្រះវិហារ ០៤ នាក់, កែប ០៣ នាក់, និងខេត្តមណ្ឌលគិរី ០១នាក់៕

ប្រភព៖ KPT