ភ្នំពេញ៖ លោក វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជាបានថ្លែងក្នុងពិធីសម្ភោធផ្លូវជាតិលេខ១១ នាព្រឹកថ្ងៃទី៦ ធ្នូ ឆ្នាំ២០២១ នេះថា ពេលនេះភាគីចិនបាននិងកំពុងតែមមាញឹកក្នុងធ្វើទំនាក់ទំនងជាមួយកម្ពុជា ដើម្បីធ្វើការផលិតវ៉ាក់សាំងបង្ការជំងឺកូវីដ១៩នៅក្នុងប្រទេសកម្ពុជា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកបន្តថា ក្រុមហ៊ុនស៊ីណូហ្វាមចិនបាននិងកំពុងតែធ្វើការងារជាមួយក្រសួងសុខាភិបាលកម្ពុជា ហើយប្រហែលជាឆ្នាំក្រោយប្រជាជនកម្ពុជានឹងអាចប្រើប្រាស់វ៉ាក់សាំងបង្ការជំងឺកូវីដ១៩ដែលផលិតក្នុងស្រុកបាន។
លោកបន្ថែមថា ខ្ញុំជឿងជាក់ថា តាមរយៈកិច្ចព្រមព្រៀងពាណិជ្ជកម្មសេរីរវាងកម្ពុជា និងចិន ភាគីជាដៃគូរសេដ្ឋកិច្ចតំបន់គ្រប់ជ្រុងជ្រោយអាស៊ីបូពា៌ ការកសាងសង្គមវាសនារួមសេដ្ឋកិច្ច កម្ពុជា ចិន…នឹងធ្វើឲ្យមានការអភិវឌ្ឍន៍ជាច្រើននៅពេលខាងមុខ។
សូមជម្រាបថា ការបញ្ជាក់របស់ឯកអគ្គរដ្ឋទូតចិនបែបនេះ បន្ទាប់ពីសម្តេចតេជោ ហ៊ុន សែន នាយករដ្ឋមន្ត្រី បានស្នើភាគីចិននាំយកផលិតផលវត្ថុធាតុដើម ដើម្បីផលិតវ៉ាក់សាំងបង្ការជំងឺកូវីដនៅក្នុងប្រទេសកម្ពុជា ហើយអាចលក់ទៅកាន់ប្រទេសផ្សេងទៀតដែលត្រូវការ៕
Bong I.T