អេស្ប៉ាញ៖ លោកគ្រូបង្វឹក Xavi Hernandez បានបង្ហើបឲ្យដឹងថាក្លិប Barcelona នឹងមិនលក់ខ្សែបម្រើ Frenkie De Jong ឡើយព្រោះគេជាតួឯកដ៏សំខាន់ក្នុងក្រុមរបស់លោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ថ្មីៗនេះមានពាក្យចចាមអារ៉ាមថា De Jong អាចនឹងផ្លាស់ទៅ លេងនៅ ក្លិបផ្សេងហើយ Barcelona ក៏ព្រមដោះលែងឲ្យគេចាកចេញដែរ ដោយគិតថាក្លិបអាចលក់យកគេបានលុយច្រើនគួរសមដើម្បីយកមកសម្រាលបន្ទុកហិរញ្ញវត្ថុ។
យ៉ាងណាមិញលោក Xavi បានច្រានចោលព័ត៌មាននោះដោយនិយាយថា៖
គេមិនអាចផ្ទេរចេញទៅ ណានោះទេ គេពិតជាកីឡាករសំខាន់របស់ពួកយើងនិងអាចធ្វើឲ្យក្រុមនេះផ្លាស់ប្ដូរបាន។ថ្ងៃមុនគេបានរកគ្រាប់បាល់១គ្រាប់(ទល់នឹង Villarreal) ។ Paul Torres បានព្យាយាមគាបសង្កត់គេតែពួកយើងចង់ឆក់យកបាល់មកវិញហើយ Frenkie ក៏អាចធ្វើបាន។គេពិតជាលេងបានល្អណាស់ក្នុងការប្រកួតជាមួយ Villarreal ។
គួរបញ្ជាក់ផងដែរថា Barcelona បានទិញយក Frenkie De Jong ពីក្លិប Ajax មកកាន់ទឹកដី Camp Nou កាលឆ្នាំ២០១៩ និងបង្ហាញខ្លួនបាន១០៩ប្រកួតហើយ៕
ប្រភព៖ football-espana
Bong I.T