អង់គ្លេស៖ អតីតគ្រូបង្វឹករបស់ Chelsea គឺលោក Frank Lampard បានបង្ហើបឲ្យដឹងថា ខ្សែប្រយុទ្ធ Timo Werner និង Kai Havertz មានការតក់ស្លុតមិននឹកស្មានថាការលេងនៅក្របខណ្ឌ Premier League គឺមានការប្រកួតប្រជែងស្វិតស្វាញបែបនេះសោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិអាល្លឺម៉ង់ទាំងពីររូបបានផ្ទេរមកទឹកដី Stamford Bridge កាលពីឆ្នាំ២០២០ ដោយ Werner ផ្ទេរមកពី RB Leipzig ហើយ Havertz ផ្ទេរមក Bayer Leverkusen ។
ពួកគេទាំងពីរនាក់លេងពុំបានល្អទេកាលមក Chelsea ដំបូងៗដោយពិបាកនឹងសម្របខ្លួនខ្លាំងពេកដោយសារលីគនៅ អាល្លឺម៉ង់ Bundesliga មិនមែនការប្រកួតប្រជែងសាហាវដូចនៅ Premier League នោះទេ។
ថ្លែងប្រាប់ the Overlap លោក Lampard បាននិយាយថា៖
ជាមួយ Timo និង Kai វិញគឺពួកគេមានបញ្ហាក្នុងការសម្របខ្លួន។ ខ្ញុំដឹងតាំងពីដំបូងព្រោះពួកគេមានការតក់ស្លុតណាស់ពីល្បឿននៃការហ្វឹកហាត់ និងការទាមទារឲ្យមានកាយសម្បទាមាំមួនក្នុងការចូលប្រកួត។ ការពិតកីឡាករផ្សេងៗទៀតក៏ប្រឈមនឹងបញ្ហានេះដែរ។ Timo និង Kai មានតាំងពីផ្ទេរមកទីនេះថ្ងៃដំបូងហើយ Kai ក៏បានឆ្លងកូវីដធ្ងន់ធ្ងរ។
ប្រភព៖ sportskeeda
Bong I.T