ដាណឺម៉ាក៖ ខ្សែបម្រើ Christian Eriksen ត្រូវបានគេប្រទះឃើញថាបានទៅ ហ្វឹកហាត់នៅ អតីតក្រុមរបស់គេគឺ Odense Boldklub(OB) នៅ ឯប្រទេសដាណឺម៉ាក បន្ទាប់ពីអាជ្ញាធរអ៊ីតាលីប្រកាសហាមផ្ដាច់មិនឲ្យរូបគេចូលលេងនៅ ក្លិបបាល់ទាត់ឯប្រទេសអ៊ីតាលីទៀតទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះហើយទើប Eriksen មិនត្រូវបានអនុញ្ញាតឱ្យហ្វឹកហាត់ជាមួយក្លិប Inter Milan ដោយហេតុផលចំបងនោះគឺរូបគេបានកើតអាការៈគាំងបេះដូងក្នុងព្រឹត្តិការណ៍ Euro 2020 រវាង ហ្វាំងឡង់ និង ដាណឺម៉ាក។
ខ្សែបម្រើរូបនេះត្រូវបានបញ្ជូនទៅមន្ទីរពេទ្យភ្លាមៗ តែជាសំណាងល្អដែលគេបានដឹងខ្លួនវិញហើយគ្រូពេទ្យក៏បានបំពាក់ឧបករណ៍វាស់ស្ទង់ចង្វាក់បេះដូងដើម្បីការពារកុំឲ្យមានរឿងបែបនេះកើតឡើងនាពេលអនាគត។
យ៉ាងណាមិញ ក្រោយចំណាយពេលសម្រាកព្យាបាលជាង៥ខែរួចមក Eriksen បានវិលត្រឡប់មកហ្វឹកហាត់សាជាថ្មីដោយខាងអ្នកនាំពាក្យរបស់ក្លិប Odense Boldkub បានស្រាយបំភ្លឺថា Christian Eriksen ជាអ្នកទាក់ទងមកសុំហ្វឹកហាត់នៅ ក្លិបពួកគេដោយផ្ទាល់។
គួរបញ្ជាក់ផងដែរថា Christian Eriksen ធ្លាប់ជាកីឡាករឆ្នើមរបស់ក្លិប Tottenham Hotspur ដោយបង្ហាញខ្លួនបាន៣០៥ប្រកួត និងរកបាន៦៩គ្រាប់មុនចាកចេញទៅ Inter Milan នៅ ឆ្នាំ២០២០៕
ប្រភព៖ goal