បរទេស៖ នៅលើភពក្រៅមួយ ដែលមានឈ្មោះថា GJ 367 b ដែលធ្វើដំណើរជុំវិញផ្កាយមួយ ដែលមានចម្ងាយ៣១ឆ្នាំពន្លឺពីព្រះអាទិត្យ មួយឆ្នាំរបស់វាមានរយៈពេលត្រឹមតែ៨ម៉ោងប៉ុណ្ណោះ។ ភពនេះមានទំហំប៉ុនភពអង្គារ ដូច្នេះវាមានម៉ាសត្រឹមតែពាក់កណ្ដាលនៃផែនដី ដែលធ្វើឲ្យវាក្លាយជាភពមួយក្នុងចំណោមភពដែលស្រាលបំផុត ដែលត្រូវបានរកឃើញ រហូតមកដល់ពេលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រហែល៨៦ភាគរយនៃផ្ទៃខាងក្នុងរបស់ភពនេះគឺបង្កើតឡើងដោយដែក និងស្នូលនីកែល ដែលធ្វើឲ្យវាស្រដៀងទៅនឹងភពពុធផងដែរ។ នៅក្នុងប្រព័ន្ធព្រះអាទិត្យរបស់យើង ភពពុធគឺនៅជិតព្រះអាទិត្យជាងគេ ហើយមួយឆ្នាំនៅលើភពនេះមានរយៈពេល៨៨ថ្ងៃ។ ចំណែកភពក្រៅ GJ 367 b គឺស្ថិតនៅជិតកូនផ្កាយប្រភេទ M។ កូនផ្កាយក្រហមនេះអាចដុតកម្ដៅភពនានា នៅពេលពួកវាមកកាន់តែជិត ដូចភព GJ 367 b ដែរ។
នៅអំឡុងពេលថ្ងៃ ភពក្រៅនេះមានសីតុណ្ហភាពឡើងដល់១,៥០០អង្សាសេ ដែលក្ដៅគ្រប់គ្រាន់អាចរំលាយថ្មនិងលោហធាតុបាន។ ភពនេះក៏ស្ថិតនៅក្នុងស្ថានភពវឹកវរផងដែរ ដោយទទួលបានវិទ្យុសកម្ម៥០០ដង ច្រើនជាងផែនដីបានទទួលពីព្រះអាទិត្យទៅទៀត។ កត្តាទាំងអស់នេះបង្ហាញថា ភពមួយនេះខ្វះបរិយាកាសដ៏ច្រើន ដែលទំនងជាហួតទឹកជាយូរមកហើយ និងមិនមែនជាកន្លែងសម្រាប់ជីវិតនោះឡើយ។
ក្រុមតារាវិទូចង់ស្វែងយល់បន្ថែមអំពីភពតូចៗបែបនេះ ដែលវិលជុំវិញផ្កាយរបស់ពួកវាយ៉ាងរហ័ស ក្នុងរយៈពេលតិចជាង២៤ម៉ោង ពីព្រោះគេមិនប្រាកដពីរបៀបដែលពួកវាបានកកើត និងមកស្ថិតនៅក្នុងគន្លងគោចរដ៏អាក្រក់បែបនេះដោយរបៀបណា៕
ប្រភព: CNN