ឈីលី៖ ប្រភេទដាយណូស័រតាន់ថ្មីមួយដែលបានរកឃើញនៅក្នុងប្រទេសឈីលី មានកន្ទុយជាអាវុធ ដែលមិនធ្លាប់ឃើញមានកាលពីមុន នៅក្នុងដាយណូស័រដទៃទៀត។ ដោយមានទំហំប្រហែល២ម៉ែត្រ ដាយណូស័រតាន់រាងតូចនេះធ្លាប់បានរស់នៅ ប្រហែលចន្លោះពី៧១.៧លានទៅ៧៤.៩លានឆ្នាំមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រោងឆ្អឹងផូស៊ីលទាំងស្រុងរបស់វាត្រូវបានរកឃើញ នៅក្នុងខេត្ត Magallanes នៅតំបន់ Patagonia។ ដាយណូស័រនេះត្រូវបានគេដាក់ឈ្មោះឲ្យថា Stegouros elengassen មានការវិវត្តន៍អាវុធកន្ទុយដ៏ធំមួយ មិនដូចអ្វីដែលបានឃើញមាននៅក្នុងដាយណូស័រតាន់ដទៃទៀត។ ខណៈពេលដែលលលាដ៍ក្បាលរបស់វាមានលក្ខណៈធម្មតាដូចប្រភេទ ankylosaurs ដទៃទៀតដែរ កន្ទុយអាវុធរបស់វាគឺចម្លែក នេះបើយោងតាមការសិក្សាដែលចេញផ្សាយនៅក្នុងទិនានុប្បវត្តិ Nature។
អ្នកនិពន្ធការសិក្សានេះ លោក Sergio Soto Acuña បាននិយាយថា វាមានលក្ខណៈស្រដៀងគ្នានឹងពស់កន្ទុយកណ្ដឹង ឬសត្វបង្គួយកន្ទុយបន្លា។ ប៉ុន្តែមិនដូចសត្វទាំងនោះត្រង់ថា ដាយណូស័រនេះមានឆ្អឹងពិតនៅក្រោមស្រកាទាំងនោះ៕
ប្រភព: CNN