វៀតណាម នឹងហាមឃាត់អ្នកដំណើរពីប៉ែកខាងអាហ្វ្រិកចំនួន៧ប្រទេស ដើម្បីទប់ស្កាត់កូវីដ១៩ អូមីក្រុង

វៀតណាម៖ នាពេលថ្មីៗនេះ ទីក្រុងហាណូយ នឹងធ្វើការហាមឃាត់ដល់អ្នកដំណើរចំនួន៧មកពី៧ប្រទេសក្នុងទ្វីបអាហ្វ្រិក ដើម្បីបង្ការការនាំចូលជំងឺកូវីដ១៩ បំប្លែងថ្មី ឈ្មោះអូមីក្រុង។

ដោយឡែក ក្រសួងសុខាភិបាល បានស្នើសុំឱ្យអាជ្ញាធរពាក់ព័ន្ធធ្វើការផ្អាកជើងហោះហើរទាំងអស់ ជាពិសេសអ្នកដំណើរដែលមកពីប្រទេសទាំងនេះ ដែលរួមមានអាហ្វ្រិកខាងត្បូង បូតស្វាណា ណាមីប៊ី ហ្ស៊ីមបាវ៉េ អេវ៉ាទីនី ឡេសូតូ និងម៉ូសំប៊ិក​ដោយសារជំងឺបានឆ្លងរីករាលដាលយ៉ាងខ្លាំងនៅខាងអាហ្វ្រិក ហើយបន្តមកខាងប្រទេសផ្សេងៗជាបណ្តើរៗហើយ។

សារព័ត៍មានវៀតណាមបានបញ្ជាក់ថា អាជ្ញាធរអាកាសចរណ៍ស៊ីវិលវៀតណាមបានយល់ព្រមលើការផ្អាកនេះ ប៉ុន្តែមិនបានបញ្ជាក់ថា វិធានការទប់ស្កាត់អ្នកដំណើរនេះនឹងចាប់ផ្តើមនៅពេលណានោះទេ។

គួរបញ្ជាក់ដែរថា ប្រទេសវៀតណាម មិនទាន់រកឃើញកូវីដ១៩ អូមីក្រុងនៅឡើយ។ ចំណែកអ្នកជំងឺដែលឆ្លងសរុបមានចំនួន ១,២៥២,៥៩០នាក់ ជាសះស្បើយ ៩៩២,០៥២នាក់ និងស្លាប់ ២៥,៤៤៨នាក់៕

សូមចូលទស្សនារូបភាពខាងក្រោម៖