ថៃ៖ បានធ្វើឲ្យមហាជនជាច្រើន កាន់តែតាមដានយ៉ាងកៀកកិត ចំពោះ តារាស្រី Prapye Ramida បន្ទាប់ពីមានការសង្ស័យថា នាងជានារីអាថ៌កំបាំង ដែលលោក Weir Sukolwat ទៅជួលឡានជាមួយគ្នា ទៅតាមខេត្ត ដែលធ្វើឱ្យមានការយល់ច្រឡំរហូត ដល់មានដំណឹងបែកបាក់គ្នា ជាមួយនឹងតារាស្រី Bella។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែ ក្រោយពីមានព័ត៌មានដ៏ភ្ញាក់ផ្អើលនេះបានកើតឡើង អ្នកចាត់ការរបស់ តារាស្រី Prapye បានចេញមកពន្យល់ ក៏ដូចជា បកស្រាយដល់អ្នកសារព័ត៌មាន ដើម្បីបញ្ជាក់ថា រូបនាង មិនធ្លាប់ទៅខេត្ត ជាមួយនឹង លោក Weir នោះទេ ព្រមទាំងបើកបង្ហាញ ភស្តុតាងនៃការហោះហើរ នៅថ្ងៃដែលមានបញ្ហា ថែមទៀត។
លើសពីនេះ អ្នកនិយមលេងអ៊ីនធឺណេតជាច្រើនទៀត ក៏បានចេញមុខជួយទប់ទល់ពាក្យចចាមអារ៉ាម ការពារ Prapye ដោយបានរកឃើញថា តារាស្រីរូបនេះ កំពុងមានទំនាក់ទំនងស្នេហានឹងបុរសវ័យក្មេង និងជាយុវជនក្រៅវិស័យសិល្បៈម្នាក់ ជាពិសេសពួកគេទាំងពីរ ថែមទាំងមានរូបបង្ហោះជាមួយគ្នា ឡើងស្អិតរមួត នៅលើបណ្ដាញសង្គម កាលពីពាក់កណ្ដាលខែវិច្ឆិកា កន្លងទៅនេះ ដែលអាចបញ្ជាក់បានថា ស្នេហារវាង អ្នកទាំងពីរ នៅតែមានភាពល្អូកល្អើន ផងដែរ៕
ប្រភព៖ Kapook
សូមទស្សនារូបភាពខាងក្រោម៖