ការងារ​ដំឡើង ព្រះកេសទេវតានិងអសុរា​ ដែលត្រូវបានធ្វើកំណាយរកឃើញ គ្រោងនឹងបញ្ចប់ឆាប់ៗនេះ - Khmerload

ការងារ​ដំឡើង ព្រះកេសទេវតានិងអសុរា​ ដែលត្រូវបានធ្វើកំណាយរកឃើញ គ្រោងនឹងបញ្ចប់ឆាប់ៗនេះ

https://s9.kh1.co/25/25cf2a6cf2ce4454284d4749821b2da335ebaf01.jpg
សង្គម
 29-Nov-2021 4pm · 2 months ago

ក្រុមការងារជួសជុលខ្លោងទ្វារតាកាវ ឬខ្លោងទ្វារខាងលិច នៃក្រុងអង្គរធំ គ្រោងនឹងបញ្ចប់ការងារដំឡើងព្រះកេសទេវតា និងព្រះកេសអសុរាក្នុងរយៈពេលមួយខែទៀត

សៀមរាប៖ ​ ក្រុមការងារជួសជុលខ្លោងទ្វារតាកាវ ឬខ្លោងទ្វារខាងលិច នៃក្រុងអង្គរធំ គ្រោងនឹងបញ្ចប់ការងារដំឡើងព្រះកេសទេវតា និងព្រះកេសអសុរាក្នុងរយៈពេលមួយខែទៀត។

កញ្ញា ម៉េង សុវណ្ណលីលីន ស្ថាបត្យករ និងជាក្រុមការងារបច្ចេកទេសជួសជុលខ្លោងទ្វារតាកាវនិយាយថា ក្រុមការងារកំពុងបង្ហើយការងារជួសជុល និងដំឡើងព្រះកេសទេវតា និងអសុរា ការងារបំពេញថ្មភក់ថ្មី ការងារដាប់ក្បាច់ និងការងារដំឡើងតួមេទ័ពទេវតា មុននឹងបញ្ចប់ការងារដំឡើងព្រះកេសនៃចម្លាក់កូរសមុទ្រទឹកដោះគម្រោងជួសជុលខ្លោងទ្វារតាកាវនៃក្រុងអង្គរធំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមជម្រាបថា ព្រះកេសទេវតានិងព្រះកេសអសុរាចំនួន១៣ត្រូវបានរកឃើញក្នុងពេលធ្វើកំណាយស្រាវជ្រាវបុរាណវិទ្យាដែលក្នុងនោះប្រទះឃើញព្រះកេសទេវតាចំនួន៦ (ព្រះកេសពេញរូបរាងចំនួន៤ និងពាក់កណ្ដាលចំនួន២) និងព្រះកេសអសុរាចំនួន៧ (ព្រះកេសពេញរូបរាងចំនួន៦ និងពាក់កណ្ដាលចំនួន១)។ គម្រោងជួសជុលខ្លោងទ្វាតាកាវ ជាគម្រោងជួសជុលរបស់អាជ្ញាធរជាតិអប្សរា ដែលមានការឧបត្ថម្ភពីវិស័យឯកជន៕

https://s9.kh1.co/__image/w=650,h=434,q=100/75/75207930986f8e3ef6841f2aa036cbf58ea99e64.png
រូបភាព៖ អាជ្ញាធរជាតិអប្សរា
https://s9.kh1.co/__image/w=650,h=434,q=100/be/be8660dc74a52417ff196ccd12e2ad047da54bdf.png
រូបភាព៖ អាជ្ញាធរជាតិអប្សរា
https://s9.kh1.co/__image/w=650,h=434,q=100/09/09499d9f8bf80bd1f08321fe8ad27492d3a27394.png
រូបភាព៖ អាជ្ញាធរជាតិអប្សរា
https://s9.kh1.co/__image/w=650,h=434,q=100/d6/d632dc8603857a38541ccb3527ea238b890c8567.png
រូបភាព៖ អាជ្ញាធរជាតិអប្សរា
https://s9.kh1.co/__image/w=650,h=433,q=100/38/3812cfc28e3e11b267c68f50e0f20d2377b9e76e.png
រូបភាព៖ អាជ្ញាធរជាតិអប្សរា
https://s9.kh1.co/__image/w=650,h=433,q=100/bb/bb63d8e79a8a7248bca890f27d9232721a5e52ad.png
រូបភាព៖ អាជ្ញាធរជាតិអប្សរា
Han Horn
H.H

អត្ថបទទាក់ទង