ថៃ៖ Nampetch Teeyapar ត្រូវបានគេចាត់ទុកថាជា រាជិនីសម្រស់ដ៏ល្បី របស់ប្រទេសថៃ ដោយរូបនាង បានជាប់ជាបវរកញ្ញាលំដាប់រងទី ២ ក្នុងកម្មវិធី Miss Universe Thailand ២០១៤ ប៉ុន្តែត្រូវបានគេដកតំណែង ដោយសារតែ ការបង្ហាញរូបថត និងការប្រមាថ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បវរកញ្ញាដ៏ស្រស់់សោភារូបនេះ បានក្លាយជាករណីដំបូង ក្នុងប្រវត្តិសាស្ត្ររបស់ប្រទេសថៃ ដែលតំណាងឱ្យប្រទេស ចូលរួមប្រកួតបវរកញ្ញាភពផែនដី ២ ដង គឺនៅក្នុងឆ្នាំ ២០១៩ និង ២០២០ ថែមទៀតផង។
តែទោះជាយ៉ាងណា ថ្មីៗនេះ ស្រាប់តែមានប្រភពមួយ បានបើកបង្ហាញពីបវរកញ្ញារូបនេះ ដោយបានបង្ហើបថា ដើម្បីឱ្យមានមុខមាត់ ដូចតារាសម្ដែងស្រី Aum Patcharapa នាង Nampetch បានធ្វើការវះកាត់កែសម្ផស្សអស់ជាច្រើនដង។ ហើយដោយទទួល រងនូវការរិះគន់ ពីសម្រស់កាន់តែចាស់ នៅពេលដែលនាងទទួលបានជ័យលាភីលំដាប់រងទី ២ ក្នុងកម្មវិធី Miss Universe Thailand ២០១៤ ធ្វើឲ្យនាងមានអារម្មណ៍ឈឺចាប់ និងបានសម្រេចចិត្តកែកុនសម្រស់របស់ខ្លួនឡើងវិញ។
សម្រាប់លើកទីមួយ នាងបានកែច្រមុះដើម្បីទទួលបានទម្រង់ច្រមុះដ៏ស្រស់ស្អាតទាក់ទាញ បន្ទាប់ពីនោះមក នាងបានបន្តធ្វើការ កែតម្រូវជាបន្តបន្ទាប់ទៀត ដូចជា ភ្នែក ច្រមុះ មាត់ ថ្គាម ជាដើម។ មិនត្រឹមតែប៉ុណ្ណោះ បវរកញ្ញារូបនេះ ថែមទាំងបានលើកឡើងថា ការវះកាត់កែសម្ផស្សមិនមែនជារឿងអាក្រក់នោះទេ ដូច្នេះហើយ នាងបានបើកចិត្តចែករំលែកយ៉ាងខ្លាំងពីបទពិសោធន៍របស់ខ្លួន ព្រមទាំងបានបង្ហើប ជាសាធារណៈ អំពីចំនួនទឹកប្រាក់ដែលបានចំណាយទៅលើភាពស្រស់ស្អាត គឺប្រហែល ៥,៧ លានបាត (ប្រហែលជាង ១៦ម៉ឺនដុល្លារ) ៕
ប្រភព៖ Ngoisao.net
សូមទស្សនារូបភាពខាងក្រោម៖