ស្ងាត់ៗ Aom Susar បង្អួតផ្ទះដ៏ស្កឹមស្កៃ តម្លៃខ្ទង់លានដុល្លារ

ថៃ៖ បន្ទាប់ពីបានសាងកេរ្តិ៍ឈ្មោះ ក៏ដូចជា មានការ​ព្យាយាម​នៅក្នុង​វិស័យសិល្បៈ​ ​អស់​រយៈ​ពេលជាង ១០ ឆ្នាំ ថ្មីៗ​នេះ តារា​សម្ដែងស្រី Aom Sushar បានចេញមកបើកបង្ហាញ ពីឃ្លីប​វីដេអូ ដើរ​លេងក្នុង​ផ្ទះ​ដ៏ធំទូលាយ ដែលជាផ្ទះក្នុងក្ដីស្រមៃរបស់នាង ផងដែរ។ 

នៅក្នុងនោះដែរ Aom Sushar បានបង្ហាញឲ្យឃើញពីទិដ្ឋភាពខាងក្រៅ ដែលមានសួន​ច្បារ​ដ៏ស្រស់ស្អាត​ ចំណែកឯខាងក្នុងវិញក៏មិនចាញ់គ្នា ដោយមានការរៀបចំ ជាមួយគ្រឿងប្រើប្រាស់ប្រណីតៗ មានគ្រឿងសង្ហារឹម តុ ទូ ផ្ទាំងរូបភាព ធ្វើឲ្យមើលទៅទិដ្ឋភាពក្នុងផ្ទះទាំងមូល កាន់តែមានភាពស្រស់ស្រាយគួរឲ្យចង់រស់នៅ។ 

មិនត្រឹមតែប៉ុណ្ណោះ តារាស្រី Aom Suchar ថែមទាំងបានបង្ហើប​ថា​ នេះគឺជា ​ផ្ទះដែល​ធ្វើ​ដោយ​ខ្លួន​ឯង ដោយបាន ជ្រើសរើសអ្វីៗគ្រប់យ៉ាង ទៅតាមចំណូលចិត្ត ។ បើនិយាយពីតម្លៃផ្ទះនេះ តារាស្រីរូបនេះ បង្ហើបពីការចំណាយ ប្រហែល ៦០លានបាត (ប្រហែល ១,៧ លានដុល្លារ)  រួមទាំងថ្លៃតុបតែងទាំងអស់ ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖