តួស្រីរឿង Squid Game ផ្តួល IU ក្លាយជាតារាមានអ្នកចុចតាមដានច្រើនបំផុតប្រចាំនៅកូរ៉េខាងត្បូង!

កូរ៉េខាងត្បូង ៖ តារាសម្តែងស្រី Jung Ho Yeon ដែលជាលេងជាតួអង្គសំខាន់ក្នុងរឿង Squid Game កំពុងសាងប្រជាប្រិយភាពគួរឲ្យកត់សម្គាល់ ជាពិសេសមានអ្នក Followers ច្រើនលើសពី ២៣.៧២ លាននាក់នៅលើ Instagram ហើយ(គិតត្រឹមថ្ងៃទី២៤ ខែ វិច្ឆិកា ឆ្នាំ ២០២១)។

បច្ចុប្បន្ន Jung Ho Yeon បានក្លាយជាសិល្បករដែលមានអ្នកតាមដានលើ Instagram ច្រើនជាងគេលំដាប់ទី៨ ក្នុងនាមជាតារាប្រចាំនៅប្រទេសកូរ៉េខាងត្បូង ដោយមានចំនួន Followers ច្រើនលើសពី ២៣.៧២ លាននាក់ ថែមទាំងបានផ្ដួល IU មានចំនួនអ្នក Followers ឈរនៅលំដាប់ទី៩។

មិនត្រឹមតែចំនួនអ្នកតាមដានច្រើនប៉ុណ្ណោះទេ Jung Ho Yeon ក៏​បាន​ធ្វើ​ឲ្យ​អ្នក​លេង​អ៊ីនធើណែត​មាន​ការ​ភ្ញាក់​ផ្អើល​ផង​ដែរ ខណៈ​ដែល​នាង​បាន​ចុះ​កិច្ច​សន្យា​ផ្តាច់​មុខ​ជាមួយ​ទីភ្នាក់ងារ​ Creative Artists Agency រួមទ្រនំជាមួយតារាល្បីៗដូចជា Brad Pitt, Tom Hanks, Beyonce, Norah Jones, Cardi B, និង Justin Bieber ទៀតផងដែរ។

នេះបានបង្ហាញឲ្យឃើញថាតារាស្រីរូបនេះពិតជាផ្ទុះប្រជាប្រិយភាពមិនធម្មតាឡើយ ក្រោយលេចមុខនៅក្នុងរឿង Squid Game៕

ប្រភព ​៖ Allkpop