បរទេស៖ ទូរសព្ទ OnePlus 10 Pro ត្រូវបានបែកធ្លាយពីលក្ខណៈសម្បត្តិតាមអនឡាញ ដោយ 91Mobiles ក្នុងភាពជាដៃគូជាមួយអ្នករាយការណ៍ផ្នែកទូរសព្ទ គឺលោក Steve Hemmerstoffer (OnLeaks)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រសិនបើការលេចធ្លាយនេះពិតជាត្រឹមត្រូវមែន នោះ OnePlus 10 Pro ដែលត្រូវបានគេរំពឹងថានឹងចេញលក់នៅដើមឆ្នាំ២០២២ នៅក្នុងប្រទេសចិន មុនពេលការចេញលក់ជាសកល មានការអាប់ឌែតបន្តិចបន្តួចប៉ុណ្ណោះពី OnePlus 9 Pro ដែលជាទូរសព្ទដ៏ល្អបំផុតសម្រាប់ឆ្នាំ២០២១។
លក្ខណៈសម្បត្តិដែលបែកធ្លាយរួមមាន បន្ទះបង្ហាញ QHD+ ទំហំ6.7អ៊ីញ ជាមួយ 120Hz refresh rate ហើយវាមានផ្នែកកោងនៅជាយអេក្រង់ ស្រដៀងគ្នានឹង Galaxy S21 Ultra ដែរ។ នៅផ្នែកខាងក្រោយនៃ OnePlus 10 Pro គឺជាម៉ូឌុលកាមេរ៉ារាងការ៉េ ស្ថិតនៅផ្នែកខាងឆ្វេងនៃឧបករណ៍។ កាមេរ៉ាក្រោយនេះមានចំនួន៣គ្រាប់ ដោយឡេនគោលមានទំហំ48MP ឡេនទូលាយទំហំ50MP និងឡេន telephoto ទំហំ8MP។ ចំណែកឡេនសែហ្វីខាងមុខវិញគឺមានទំហំ32MP។
ទូរសព្ទ OnePlus 10 Pro នឹងដំណើរការលើបន្ទះឈីប Snapdragon 8 Gen 1 ចុងក្រោយបង្អស់។ វានឹងមកជាមួយជម្រើសទំហំផ្ទុកទិន្នន័យ RAM 8GB/128GB ឬ RAM 12GB/256GB។ ការធ្វើឲ្យប្រសើរឡើងដ៏គួរឲ្យកត់សម្គាល់មួយគឺថ្មទំហំ 5,000 mAh កើនឡើងពី 4,500 mAh នៅលើម៉ូឌែលមុន៕
ប្រភព: GIZMODO