លោកយាយវ័យ១២៤ឆ្នាំ ដែលអាយុវែងបំផុតលើពិភពលោក បានទទួលមរណភាពហើយ

ហ្វីលីពីន៖ លោកយាយម្នាក់វ័យ១២៤ឆ្នាំ និងជាស្ត្រីអាយុវែងបំផុតលើពិភពលោក បានទទួលមរណភាពកាលពីថ្ងៃចន្ទ ទី២២ ខែវិច្ឆិកាដើមសប្ដាហ៍នេះ នាវេលាម៉ោង៦:៤៥នាទីល្ងាច ក្នុងប្រទេសហ្វីលីពីន។

តាមប្រភពព័ត៌មានបានឲ្យដឹងថា លោកយាយ Francisca Susano ឈ្មោះហៅក្រៅ Lola បានកើតនៅថ្ងៃទី១១ ខែកញ្ញា ឆ្នាំ១៨៩៧ តែខាងកំណត់ត្រាពិភពលោកហ្គីនណេស មិនទាន់ទទួលស្គាល់ថាគាត់ជាស្ត្រីអាយុវែងបំផុតលើពីភពលោកជាផ្លូវការឡើយ ខណៈស្ត្រីបារាំងអាយុ១២២ឆ្នាំ និង១៦៤ថ្ងៃ ហើយទទួលមរណភាពនៅថ្ងៃទី០៤ ខែសីហា ឆ្នាំ១៩៩៧ នៅតែគ្រប់គ្រងតំណែងជាស្ត្រីអាយុវែងបំផុតលើពិភពលោកដដែល។

យ៉ាងណាមិញ ជុំវិញមូលហេតុនៃការទទួលមរណភាពរបស់លោកយាយ មិនទាន់ត្រូវបានគេរាយការណ៍ទេ តែទោះជាយ៉ាងណាក៏ដោយ គាត់ក៏មិនមានរោគសញ្ញានៃជំងឺកូវីដ-១៩ឡើយ។ ហើយចំពោះការប្រកាសជាផ្លូវការថាជាស្ត្រីអាយុវែងបំផុតលើពិភពលោក កំពុងស្ថិតនៅក្រោមការផ្ទៀងផ្ទាត់របស់ខាងកំណត់ត្រាពិភពលោកហ្គីនណេស៕

ប្រភព: Daily Mail

សូមទស្សនារូបភាពខាងក្រោម៖