កូរ៉េខាងត្បូង ៖ ថ្មីៗនេះ Karina សមាជិកក្រុម aespa បានបង្ហាញខ្លួននៅក្នុងវគ្គដំបូងរបស់ «Travel Diary: Soul; Seoul» និងបានផ្ដល់នូវដំណើរកម្សាន្តដល់អ្នកទស្សនារដ្ឋធានីដ៏ស្រស់ស្អាតគឺទីក្រុងសេអ៊ូល ប្រទេសកូរ៉េខាងត្បូង ដែលជាកន្លែងប្រមូលផ្ដុំទៅដោយរឿងរ៉ាវចម្រុះទាំងបច្ចុប្បន្ន និងអតីតកាលរួមគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងវីដេអូនោះដែរ Karina បាននាំអ្នកគាំទ្រ និងអ្នកទស្សនាធ្វើដំណើរកម្សាន្តជុំវិញទីក្រុងដែលនាងស្រលាញ់បំផុត ដោយជាទិសដៅដំបូងនាងបាននាំអ្នកទស្សនាទៅកាន់ព្រះរាជវាំង Changgyeong Palace ដោយនាងបានពន្យល់ថា វិមាននេះត្រូវបានគេឃើញជាញឹកញាប់ក្នុងរឿងភាគប្រវត្តិសាស្ត្រ ហើយក៏ចែករំលែកអារម្មណ៍រំភើបផ្ទាល់ខ្លួនដែរ។
លើសពីនេះ Karina បាននាំអ្នកគាំទ្ររបស់នាងទៅកាន់កន្លែងដែលអ្នកទស្សនាអាចទទួលបានបទពិសោធន៍យ៉ាងពេញលេញពីប្រវត្តិសាស្ត្ររបស់ប្រទេសកូរ៉េ ពោលគឺថែមទាំងអាចចូលហាងជួលឈុត Hanbok ដែលជាឈុតប្រពៃណីរបស់កូរ៉េឈុតដ៏ស្រស់ស្អាតមកពាក់ ហើយដើរជុំវិញវាំងដើម្បីផ្តិតយករូបភាពទីតាំងប្រវត្តិសាស្ត្រដ៏អស្ចារ្យនេះ៕
ជ្រាបច្បាស់ សូមទស្សនារូបភាព និងវីដេអូខាងក្រោម ៖
ប្រភព ៖ Allkpop
Bong I.T