អាមេរិក៖ វិមានដ៏ធំស្កឹមស្កៃ នៅរដ្ឋផ្លរីដា នៃសហរដ្ឋអាមេរិក របស់សុនខមួយក្បាល ដែលជាសុនខអ្នកមានជាងគេបំផុតលើពិភពលោក បានដាក់លក់ក្នុងតម្លៃ៣២លានដុល្លារអាមេរិកឯណោះកាលពីថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា សុនខ Gunther IV ជាប្រភេទពូជសុនខអាល្លឺម៉ង់ និងជាកូនចៅសុនខជំនាន់ក្រោយ ហើយត្រូវបានស្ត្រីជាម្ចាស់របស់ជីតាវា បន្សល់ទុកនូវទ្រព្យសម្បត្តិរាប់លានដុល្លារនៃចំនួនទឹកប្រាក់ប្រមាណ៥៨លានដុល្លារអាមេរិកឲ្យទៅកាន់ជីតារបស់វា មុនពេលអ្នកស្រីស្លា.ប់បាត់បង់ជីវិតទៅនៅឆ្នាំ១៩៩២ម៉្លេះ។ តួយ៉ាង ចាប់តាំងពីពេលនោះមក ទ្រព្យសម្បត្តិព្រមទាំងការមើលថែ ត្រូវបានគ្រប់គ្រងដោយក្រុមអ្នកដោះស្រាយយ៉ាងយកចិត្តទុកដាក់ផងដែរ ដែលវិមានបានទិញនាឆ្នាំ២០០០ពីតារាចម្រៀងប៉ុបដ៏ល្បីល្បាញម្នាក់ ក្នុងតម្លៃត្រឹមតែ៧.៥លានដុល្លារអាមេរិកប៉ុណ្ណោះ។
ជាក់ស្ដែង វិមាននេះ បានស្ថិតនៅក្នុងទីតាំងដែលគេចង់បានបំផុតក្នុងទីក្រុង សម្រាប់អចលនទ្រព្យលក្ខណៈឯកជន ដោយមានទំហំផ្ទៃដីប្រមាណ៤,៧៣៨ម៉ែត្រការ៉េ ហុំព័ទ្ធជាមួយនឹងទេសភាពខៀវស្រងាត់ អាងហែលទឹក ឆ្នេរសមុទ្រ និងទិដ្ឋភាពនៃទីក្រុងជាដើម។ ចំណែកក្នុងវិមានមានបន្ទប់គេងចំនួន៨ បន្ទប់ទឹក៨.៥ និងបូករួមទាំងគ្រឿងសង្ហារឹមយ៉ាងប្រណិតជាច្រើនផងដែរ៕
ប្រភព: Daily Mail / Ladbible
សូមទស្សនារូបភាពខាងក្រោម៖