កូរ៉េខាងត្បូង ៖ នៅលើវេទិកាសហគមន៍អនឡាញ អ្នកនិយមលេងអ៊ីនធើណែតបានចងក្រងបញ្ជីរឿងភាគដែលកំពុងចាក់ផ្សាយនាពេលនេះ ហើយបានបង្ហាញថា ៖ «សព្វថ្ងៃនេះ តារាសម្តែងប្រុស តារាស្រីល្បីៗ មិនអាចធានាថា ទទួលបានជោគជ័យ ក្នុងរឿង K-Drama នោះទេ»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះក៏បង្ហាញ ការវិនិច្ឆ័យដោយចំណាត់ថ្នាក់អ្នកមើលតាមប៉ុស្តិ៍ដែលចាក់ផ្សាយរឿងភាគទាំងនេះផងដែរ ដោយរឿងទាំងនោះសុទ្ធតែរួមសម្ដែងដោយកំពូលតារាល្បីៗប្រចាំ K-Drama រួមមាន ៖
១. រឿង Reflection of You ចាក់នៅបុស្តិ៍ JTBC សម្តែងដោយ Go Hyun Jung រកបាន Top viewer rating: ៣.៦%
២. រឿង Inspector Yoo ចាក់នៅបុស្តិ៍ JTBC សម្តែងដោយ Lee Young Ae រកបាន Top viewer rating: ២.៧%
៣. រឿង Jirisan ចាក់នៅបុស្តិ៍ tvN សម្តែងដោយ Jun Ji Hyun និង Joo Ji Hoon រកបាន Top viewer rating: ១០.៧%
៤. រឿង Now, We Are Breaking Up ចាក់នៅបុស្តិ៍ SBS សម្តែងដោយ Song Hye Kyo និង Jang Ki Yong រកបាន Top viewer rating: ៨.០%
៥. រឿង Melancholia ចាក់នៅបុស្តិ៍ tvN សម្តែងដោយ Im Soo Jung និង Lee Do Hyun រកបាន Top viewer rating: ៣.៦%
ទន្ទឹមនឹងបញ្ជីនេះ អ្នកបង្ហោះរូបនេះបានបញ្ចេញមតិថា នេះជាការបញ្ជាក់ម្តងទៀតថា ភាពខ្លាំងរបស់រឿងគឺអាស្រ័យទៅលើការសរសេរ និងសាច់រឿង ជាជាងតម្លៃកេរ្តិ៍ឈ្មោះរបស់តួសម្តែង លើសពីនេះអ្នកនិយមលេងអ៊ីនធើណែតផ្សេងទៀតបង្ហាញការយល់ឃើញដូចខាងក្រោម ៖
ត្រូវហើយ យើងក៏ត្រូវយល់ថា តារាសម្ដែងទាំងនេះសុទ្ធតែជាតារាជើងចាស់មែន តែមិនប្រាកដថាលេងរឿងហើយផ្ទុះល្បីរឿងនោះទាំងអស់ទេ វាអាស្រ័យលើហេតុផលផ្សេងៗដែរ។ អាចថាវាមិនទាក់ទងនឹងតារាសម្ដែងល្បីទេ វាអាចពាក់ព័ន្ធនឹងគុណភាពនៃរឿង។ មិនអាចធានាបានទេ វាអាចបត់បែនបានគ្រប់ពេលវេលា។ ខ្ញុំយល់ស្របថារឿងទាំងនេះ មិនសូវចាប់អារម្មណ៍ទេ លើកលែងតែរឿង Jirisan និងរឿង Inspector Yoo។ ខ្ញុំមិនគិតថាការវាយតម្លៃអ្នកមើល និងភាគរយនោះទេ ព្រោះថាសព្វថ្ងៃនេះគេចូលចិត្តមើលតាមពេលវេលាផ្ទាល់ខ្លួន ដូច្នេះហើយក៏មើល Netflix ឬវេទិកាផ្សេងទៀតក៏ថាបាន។...៕
តើប្រិយមិត្តយល់យ៉ាងណាដែរ?
ប្រភព ៖ Allkpop
Bong I.T