BLAKCPINK លេងម៉ូតសក់ផ្កាឈូកគ្រប់គ្នាហើយ! តោះទៅលាបដែរ កុំឲ្យចាញ់ Idol

កូរ៉េខាងត្បូង ៖ ក្រុមចម្រៀងស្រី​ BLACKPINK បានសាងប្រជាប្រិយភាពស្ទើរតែគ្រប់ដណ្ដប់ពាសពេញសកលលោក ជាមួយសមត្ថភាព និងជំនាញដ៏អស្ចារ្យរបស់ពួកគេទាំង រាំ រ៉េប ច្រៀង សម្ដែង ជាពិសេសរូបសម្រស់ និងការតែងខ្លួន ស្ទីលសម្លៀកបំពាក់ ម៉ូតសក់របស់ពួកគេក៏ជាទីចាប់អារម្មណ៍របស់ហ្វេនៗ តាំងពីបង្ហាញខ្លួនដំបូងៗមកម៉្លេះ។

បើនិយាយដល់ស្ទាយ៍តែងខ្លួន ពួកគេសុទ្ធតែមានការពេញនិយមខុសៗគ្នា តែម្នាក់ៗក៏មើលទៅស្អាត មានទាក់ទាញ ថែមទាំងជះមន្តស្នេហ៍មិនចាញ់គ្នាឡើយ តែទោះជាយ៉ាងនេះក្ដី ថ្មីៗ BLACKPINK កំពុងក្លាយជាប្រធានបទគួរចាប់អារម្មណ៍ជាថ្មីម្ដងទៀត ជាមួយស្ទីលម៉ូតសក់ពណ៌ផ្កាឈូកដូចគ្នារបស់ស្រីស្អាតទាំង ៤ដួងនេះ។

ជាមួយនឹងរូបភាព ប៉ុន្មានសន្លឹករបស់តារាស្រីប្រចាំផលិតកម្ម YG ដែលដាក់សក់ពណ៌ Pink បែបនេះ ត្រូវបានអ្នកលេងបណ្ដាញសង្គម ជាពិសេសហ្វេនៗរបស់ក្រុមនេះ នាំគ្នាយកទៅចែករំលែកជាហូរហែ​ ដោយសរសើរថាពេល សមាជិកក្រុម BLACKPINK លេងស្ទីលដាក់សក់ផ្កាឈូកដូចគ្នាអញ្ចឹងទៅ ម្នាក់ៗលេចធ្លោខ្លាំង ចេញមកល្អឆើតឆាយសាកសមឥតទាស់ បង្អួតសម្រស់មិនឲ្យចាញ់គ្នាឡើយ៕

ជ្រាបច្បាស់ សូមទស្សនារូបភាពខាងក្រោម ៖