អាជ្ញាធរខេត្តព្រះវិហារ ប្រកាសឱ្យពលរដ្ឋប្រុងប្រយ័ត្ន និងត្រៀមបង្ការនូវគ្រោះមហន្តរាយជាយថាហេតុដោយទឹកជំនន់

ព្រះវិហារ៖ រដ្ឋបាលខេត្តព្រះវិហារ បានជូនដំណឹងថា យោងតាមរបាយការណ៍របស់មន្ទីរធនធានទឹក និងឧតុនិយមខេត្តព្រះវិហារ គិតត្រឹមវេលាម៉ោង ៦ៈ២៧នាទីព្រឹក ថ្ងៃទី ២៥ខែ កញ្ញា ឆ្នាំ ២០២១ ទឹកស្ទឹងសែន នៅភូមិសាស្រ្តខេត្តព្រះវិហារ ទឹកមានកម្ពស់៖ ១១,៣៨ ម៉ែត្រ ហើយកម្ពស់ទឹកស្ទឹងសែនដែលត្រូវប្រកាសអាសន្នគឺ៖ ១១,៥០ម៉ែត្រ។

អាស្រ័យដូចបានជម្រាបជូនខាងលើ ​អាជ្ញាធរអំពាវនាវឱ្យបងប្អូនប្រជាពលរដ្ឋ ​មេត្តាប្រុងប្រយ័ត្ន និងត្រៀមបង្ការនូវគ្រោះមហន្តរាយដែលអាចបង្កឡើងដោយទឹកជំនន់ជាយថាហេតុ៕