មួយណាខ្លាំងជាង? មើលការប្រៀបធៀបរវាងឈីប Google Tensor និង Snapdragon 888

បរទេស៖ ទូរសព្ទ Pixel 6 មិនទាន់ចេញលក់ជាផ្លូវការនោះទេ ប៉ុន្តែការរំពឹងទុកនៃទូរសព្ទនេះដែលដំណើរការដោយឈីបច្នៃឡើងដោយ Google គឺ Tensor កំពុងចោទជាសំណួរធំៗរួចទៅហើយ។ តើឈីបនេះអាចដើរទាន់ក្រុមហ៊ុន Apple ទេ? តើវាពិតជាកំពុងប្រើបច្ចេកវិទ្យាចុងក្រោយនិងអស្ចារ្យបំផុតទេ?

Google អាចទិញបន្ទះឈីបពីដៃគូយូរអង្វែង Qualcomm ឬក៏ម៉ូឌែល Exynos ពីមិត្តថ្មីនៅ Samsung។ ជំនួសមកវិញ ក្រុមហ៊ុន Google បានធ្វើការជាមួយ Samsung ដើម្បីអភិវឌ្ឍន៍បន្ទះឈីបផ្ទាល់ខ្លួន ដោយប្រើការរួមបញ្ចូលគ្នានៃសមាសភាគដែលមានស្រាប់ និង machine learning (ML) ខ្លះរបស់ក្រុមហ៊ុន Google។

បើយោងតាមរបាយការណ៍មួយបានឲ្យដឹងថា ប្រព័ន្ធឈីប Tensor នៃទូរសព្ទ Pixel 6 នឹងខុសប្លែកពីបន្ទះឈីបនៃទូរសព្ទកំពូលដទៃទៀត នៅលើទីផ្សារ។ ជាការពិត ពួកយើងនឹងដឹងពិតប្រាកដនៃលំដាប់ពិន្ទុ ដំណើរការ និងថ្ម នៅពេលទូរសព្ទនេះដាក់លក់។ ប៉ុន្តែគេទទួលបានព័ត៌មានជាច្រើនរួចទៅហើយ ដើម្បីធ្វើការប្រៀបធៀបវាទៅនឹងបន្ទះឈីបចុងក្រោយពី Qualcomm។ តើឈីប Google Tensor និង Snapdragon 888 មួយណាប្រសើរជាង?

ប្រភព: Android Authority