បរទេស៖ ក្រុមអ្នកវិទ្យាសាស្ត្រអាហ្រ្វិកខាងត្បូង បានរកឃើញរកឃើញវីរុសកូវីដ១៩ថ្មីមួយប្រភេទទៀត ដែលមានធាតុបំប្លែងទ្វេដង ប៉ុន្តែមិនទាន់កំណត់បាន ថាតើវាអាចឆ្លងលឿន ឬមានភាពធន់នឹងអង់ទីគ័រប្រឆាំងកូវីដ ដែលដុះចេញពីការចាក់វ៉ាក់សាំង ជាងប្រភេទវីរុសមុនទេបែបណានេះទេ។ នេះបើតាមប្រភពព័ត៌មាន Reuters។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវីរុសថ្មីនេះត្រូវបានគេហៅថា C.1.2 រកឃើញជាលើកដំបូងនៅក្នុងខែឧសភា ហើយឥឡូវនេះបានរីករាលដាលដល់ក្នុងបណ្តាខេត្តអាហ្វ្រិកខាងត្បូងជាច្រើន និងបន្តបង្ហាញវត្តមានក្នុងប្រទេសចំនួន ៧ផ្សេងទៀត នៅក្នុងទ្វីបអាហ្វ្រិក អឺរ៉ុប អាស៊ី និងអូសេអានី។
គួរឱ្យដឹងដែរថា អាហ្វ្រិកខាងត្បូង គឺជាប្រទេសដំបូងគេ រកឃើញវីរុសបំប្លែងខ្លួន បេតា (Beta) ជាវីរុសមួយ ក្នុងចំណោមវីរុសបំប្លែងថ្មីចំនួន ៤ប្រភេទ ដែលបង្កជាកង្វល់ដល់អង្គការសុខភាពពិភពលោក (WHO) ។ វីរុសបំប្លែងខ្លួន បេតា ត្រូវបានគេជឿថាអាចឆ្លងរាលដាលបានលឿនជាងវីរុសប្រភេទដើម ដែលបង្កទៅជាជំងឺកូវីដ១៩។ ហើយមានភស្តុតាងថា វ៉ាក់សាំងមានប្រសិទ្ធភាពតិចប្រឆាំងនឹងវីរុសនេះ ដែលជាហេតុនាំឱ្យប្រទេសមួយចំនួនរឹតត្បិត ការធ្វើដំណើរទៅមក ជាមួយអាហ្វ្រិកខាងត្បូង៕
Bong I.T