អង់គ្លេស៖ ខ្សែការពារស្លាបឆ្វេងក្លិប Manchester City កីឡាករ Benjamin Mendy ត្រូវបានក្លិបសម្រេចចិត្តព្យួរមិនឲ្យចូលរួមការប្រកួតបន្ទាប់ពីរូបគេត្រូវបានចោទប្រកាន់ពីបទរំលោភសេពសន្ថវៈចំនួនបួនករណី និង បៀតបៀនកេរ្ដិ៍ខ្មាសចំនួនមួយករណី ទៅលើជនរងគ្រោះចំនួនបីនាក់ ដែលមានអាយុលើសពី ១៦ ឆ្នាំ នៅចន្លោះខែតុលា ២០២០ ដល់ខែសីហា ២០២១ នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កីឡាករសញ្ជាតិបារាំងខាងលើ ត្រូវបានតុលាការ Cheshire Constabulary ចោទប្រកាន់ និង ត្រូវបានបញ្ជូនទៅឃុំឃាំងនៅចំពោះមុខចំពោះការបង្ហាញខ្លួនក្នុងតុលាការនៅថ្ងៃសុក្រនេះ។
សេចក្តីថ្លែងការណ៍ចេញពីតុលាការ Cheshire Constabulary មានខ្លឹមសារដូចតទៅ៖
Cheshire Constabulary បានសម្រេចចោទប្រកាន់ទៅលើបុរសម្នាក់ពាក់ព័ន្ធនឹងបទរំលោភផ្លូវភេទ។ Benjamin Mendy ដែលមានអាយុ២៧ឆ្នាំ ត្រូវបានចោទប្រកាន់ពីបទរំលោភសេពសន្ថវៈចំនួនបួនករណី និង បៀតបៀនកេរខ្មាសចំនួនមួយករណី។ ការចោទប្រកាន់នេះទាក់ទងនឹងដើមបណ្តឹងពីមនុស្សចំនួនបីនាក់ដែលមានអាយុលើសពី ១៦ ឆ្នាំដែលបានកើតឡើងនៅចន្លោះខែតុលាឆ្នាំ ២០២០ ដល់ខែសីហាឆ្នាំ ២០២១។ Mendy នឹងបង្ហាញខ្លួននៅមុខតុលាការនាថ្ងៃសុក្រនេះ៕
ប្រភព៖ goal
Bong I.T