ក្រុមគ្រូពេទ្យ ចុះយកសំណាកបុគ្គលិក និងកម្មករបម្រើការងារនៅការដ្ឋានមួយនៅក្នុងទីក្រុងកោះពេជ្រ

ភ្នំពេញ៖ នាពេលថ្មីៗនេះ ក្រុមគ្រូពេទ្យ(TYDA) បានធ្វើការចុះយកសំណាកបុគ្គលិក និងកម្មករបម្រើការងារនៅការដ្ឋានមួយនៅក្នុងទីក្រុងកោះពេជ្រ ដោយផ្ទាល់បន្ទាប់មានការសង្ស័យថាមានអ្នកជាប់ព័ន្ធករណីកូវីដ១៩បម្លែងថ្មី ប្រភេទ Delta។

ដោយឡែក នៅល្ងាចថ្ងៃ ទី១៨ ខែសីហា ឆ្នាំ២០២១ រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាល នៃគណ:អភិបាលខណ្ឌចំការមន បានចុះពិនិត្យ និងសម្របសម្រួលជូនក្រុមការងារគ្រូពេទ្យស្ម័គ្រចិត្តសម្ដេចតេជោ (TIDA) ដើម្បីយកសំណាកបុគ្គលិក និងកម្មករបម្រើការងារនៅការដ្ឋានអគារ Morgan Tower កោះពេជ្រ ដែលមានករណីសង្ស័យមានការឆ្លងជំងឺកូវីដ១៩។

យ៉ាងណាមិញ នៅខណៈពេលនេះ ខាងក្រុមគ្រូពេទ្យមិនទាន់ប្រកាសពីលទ្ធផល សំណាកបុគ្គលិកនិងកម្មករបម្រើការងារនៅទីនេះនៅឡើយទេ ដោយរង់ចាំមើលបន្តទៀត៕

ប្រភព៖ PNN

សូមចូលទស្សនារូបភាពខាងក្រោម៖