កូរ៉េខាងត្បូង ៖ ថ្មីៗនេះ តារាសម្ដែងស្រី Goo Hye Sun បានបង្ហោះលើ Instagram របស់នាងជាមួយរូបភាពប៉ុន្មានសន្លឹក ព្រមទាំងភ្ជាប់ជាមួយខ្លឹមសារបទសម្ភាសន៍មួយ ដែលត្រូវបានគេចោទសួរថា ៖ «តើមានអ្វីដែលអ្នកចង់និយាយទៅកាន់អ្នកដែលប្រឆាំងនឹងអាជីពជាតារាសម្ដែងរបស់អ្នក ក្នុងវិស័យសិល្បៈនេះទេ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្ដែង នៅក្នុងសារនៃបទសម្ភាសន៍ខាងលើ តួឯកស្រីក្នុងរឿង Boys Over Flowers រូបនេះបានសារភាពត្រង់ៗថា ៖
ក្នុងនាមជាអ្នកសិល្បៈ គឺវាមិនមានអ្វីមួយពិតប្រាកដឡើយ ហើយយើងក៏មិនអាចប៉ាន់ស្មានបានដែរ។ ខ្ញុំគិតថាជាសិល្បករក៏មានជីវិត និងសេចក្តីស្លាប់ដូចមនុស្សទូទៅដែរ វាមានភាពយុត្តិធម៌ណាស់។ វាមិនខុសបីគំនូរសិល្បៈដែលខ្ញុំបានគូសនោះទេ ជីវិតមានគ្រប់រស់ជាតិ រីឯសិល្បៈក៏ដូចគ្នាដែរ។
លើសពីនេះទៅទៀត Goo Hye Sun ក៏បានបន្ថែមថា មិនមានអ្វីដែលគួរតែវិនិច្ឆ័យឲ្យត្រូវតាមបែបស្តង់ដារអ្វីនោះទេ សិល្បៈមិនមែនជាអ្វីដែលអស្ចារ្យទេ គ្រប់យ៉ាងមានឡើងមានចុះ មិនមែនគ្រប់គ្នាសុទ្ធតែសមបំណង មានគេស្រលាញ់ តែងមានគេស្អប់ ហេតុនេះនាងមិនខ្វល់ពីពាក្យសម្ដីអស់ទាំងនោះទេ៕
ប្រភព ៖ Allkpop
Bong I.T