រកឃើញ អ្នកឆ្លងកូវីដ១៩ ចំនួន ១៨២នាក់ ជាករណីនាំចូលពីប្រទេសថៃ

ឧត្តរមានជ័យ៖ រដ្ឋបាលខេត្តឧត្តរមានជ័យ បាន​ចេញសេចក្តីជូនដំណឹងថា​ នាថ្ងៃទី ១៦ ខែកក្កដា ឆ្នាំ២០២១ ក្រុមគ្រូពេទ្យ នៃមន្ទីរពេទ្យបង្អែកខេត្តឧត្ដរមានជ័យ បានរកឃើញករណីវិជ្ជមានកូវីដ-១៩​ សរុប១៨៤ ករណី ដោយក្នុងនោះ ០២ករណី ជាករណីឆ្លងក្នុងសហគមន៍ និង១៨២ ករណីនាំចូលពីប្រទេសថៃ។

​គិតត្រឹមម៉ោង១៧:៣០នាទី ថ្ងៃទី១៦ ខែកក្កដា ឆ្នាំ២០២១​ ខេត្តឧត្តរមានជ័យ រកឃើញអ្នកវិជ្ជមានជំងឺកូវីដ១៩ ចំនួន២,៥០៣ ករណី ក្នុងនោះករណីនាំចូលពីក្រៅប្រទេសចំនួន ២,៣៣៩ករណី និងករណីឆ្លងក្នុងសហគមន៍ ២០កុម្ភៈ ចំនួន ១៦៤ ករណី និងបានព្យាបាលជាសះស្បើយចំនួន ៤៩៨ នាក់ កំពុងសម្រាកព្យាបាលចំនួន ១,៩៩៩ នាក់ និងស្លាប់ចំនួន ០៦នាក់។

យ៉ាងណាមិញ ដើម្បីចូលរួមទប់ស្កាត់នូវការចម្លងជំងឺកូវីដ-១៩ ឱ្យកាន់តែមានប្រសិទ្ធភាព រដ្ឋបាលខេត្តឧត្ដរមានជ័យ ក៏បានជំរុញឱ្យប្រជាពលរដ្ឋគ្រប់រូប ចងចាំ និងចូលរួមអនុវត្តឱ្យបានខ្ជាប់ខ្លួនជានិច្ចនូវវិធានការការពារខ្លួនសាមញ្ញៗ និងត្រូវបន្ដប្រុងប្រយ័ត្នផ្ទាល់ខ្លួនពីការឆ្លងជំងឺកូវីដ-១៩ ដោយអនុវត្តឱ្យខាងតែបាននូវវិធានការ «បីកុំ និង បីការពារ» របស់ក្រសួងសុខាភិបាល។

ដើម្បីជ្រាបឱ្យកាន់តែច្បាស់ សូមអានសេចក្តីប្រកាសខាងក្រោម៖

ប្រភព៖ រដ្ឋបាលខេត្តឧត្ដរមានជ័យ