អាជ្ញាធរខេត្តសៀមរាប សម្រេចបិទផ្សារលើធំថ្មីសៀមរាប ដើម្បីទប់ស្កាត់ការឆ្លងកូវីដ១៩

សៀមរាប៖ កាលពីពេលថ្មីៗនេះ អាជ្ញាធរខេត្តសៀមរាប សម្រេចបិទផ្សារលើធំថ្មី ដែលស្ថិតនៅភូមិដកពោធិ៍ សង្កាត់ស្លក្រាម ក្រោយរកឃើញមានពាក់ព័ន្ធការឆ្លងរាលដាលជំងឺកូវីដ១៩ ក្នុងព្រឹត្តិការណ៍សហគមន៍ ២០ កុម្ភៈ ២០២១។

ដោយឡែក អាជ្ញាធរខេត្តសៀមរាប បានចេញសេចក្តីប្រកាសបិទផ្សារលើធំថ្មី ពីរអាទិត្យជាបណ្តោះអាសន្នចាប់ពីថ្ងៃទី២៤ ខែមិថុនា ឆ្នាំ២០២១ រហូតដល់ ថ្ងៃទី០៧ ខែកក្កដា ឆ្នាំ២០២១ ក្នុងគោលបំណងធានាប្រសិទ្ធភាពនៃការគ្រប់គ្រងការឆ្លងរីករាលនៃជំងឺកូវីដ១៩ នៅក្នុងទីតាំងភូមិសាស្ត្រត្រូវបិទ និងទប់ស្កាត់ជំងឺនេះមិនឲ្យឆ្លងរីករាលដាលទៅតំបន់ផ្សេងទៀតផងដែរ។

យ៉ាងណាមិញ សូមប្រជាជនទូទាំងប្រទេសមេត្តាបន្ថែមការប្រុងប្រយ័ត្ន ដោយអនុវត្តវិធាន៣កុំ៣ការពារទាំងអស់គ្នា៕

ប្រភព៖ ផ្សារលើធំថ្មី ក្រុងសៀមរាប

សូមចូលអានព័ត៍មានលម្អិតខាងក្រោម៖